Neevooo :

بوبا هرد على تفصيصة تفصيصة بس مش دلوقتي في مشاركة تانية ان شاء الله باقي البنات مالكوااااااااااااااااااا ؟ شوشو انا يا قلبي اللي كان مانعني عنكوا هو ان البريود اخيرا و بعد غياب 5 شهور جت يوم الخميس و طبعا مش قادرة اقولك عاملة في ايه هي مش شديدة خااااااااالص بس جسمي حاسة ان حد مفتري ضاربه علقة محترمة بلس ان موووووووودي وحش جدا جدا جدا عصبية و مش عاوزة اكلم حد و طووووووول الوقت عاوزة اعيط بدون سبب و دة اللي خلاني مش عارفة اكلمكوا لاني كنت بحس بخنقة كدة مش عارفة اوصفها و على فكرة الحالة دي اول مرة تيجيلي المهم الحمد لله بدأت الحالة دي تخف شوية 000 و البريود بدأت تبقى طبيعية الى حد ما و عملت تحاليل تاني يوم الدورة و ان شاء الله استلم النتايج النهاردة و اخر حاجة اخر حاجة اخر حاجة باة اخيرا دكتور عادل هيشرف بزيارتي الغالية بكرة ان شاء الله يا رب يكون عندهم ورد كفاية عشان يرشوه على طول الطريق من هنا للعيادة امانة عليكوا لو غبت عليكوا يو الاربعاء تطمنوا لا يكون الدكتور حدفني من البلكونة و لا حاجة اقولكم على سر شوفوا انا هنا بربنط ازاي و الله والله ما بعرف انطق ولا كلمة قدام الدكاترة و بتجيني حالة من الصمت و الرهبة و اول ما اخرج اقول كنت عاوزة اقوله كذا و كذا و كذا مع اني ببقى كاتبة كل حاجة في بلوك نوت كدة بس حتى مش بفتحها ربنا يستر ادعولي او اقولكم ادعوا لدكتور عادل ربنا يعينه على ما بلاه

بوبا هرد على تفصيصة تفصيصة بس مش دلوقتي في مشاركة تانية ان شاء الله باقي...

boba boba :

نيفوووو الف سلامة عليكى والحمد لله انها شرفت كده احسن من غيابها ووجع ساعة ولا كل ساعة مش مشكلة استحملى تعبها وان شاء الله كله فى ميزان حسناتك ويارب المرة الجاية لما تغيب يكون بسبب الحمل ان شاء الله بصى بقى ركزى ... ثم ركزى..... ثم ركزى وانتى عند الدكتور عادل وان شاء الله ربنا هيذكرك بكل حاجة عاوزة تسالى عنها وقولى لنفسك ان الدخول له مش سهل بسبب الحجز والأنتظار والمشوار الطويل بين بيتك والعيادة وان دى فرصة لازم تتمسكى بيها وتستغليها بكل طاقتك اعتبرى بقى نفسك فى سباق مع نفسك ولازم تفتكرى كل الاسئلة وخدى معاكى كل تحاليلك ونتايجها وان شاء الله هترجعى من هناك وانتى مجبورة الخاطر وتبدأى العلاج وانتى كلك تفاؤل وأمل بإذن الله وربنا يهدى عليكى دكتور عادل ويذكرك هو بالاسئلة او يجاوبك من غير ماتسألى ويجعله سبب يارب

نيفوووو الف سلامة عليكى والحمد لله انها شرفت كده احسن من غيابها ووجع ساعة ولا كل ساعة مش مشكلة...