صحيح يابنات انا عاوزة نصيحتكو ضرورى
انا حاسة انى جاتنى التهابات الفترة دى من بعد اشعة الصبغة
وانا حاليا فى اخر يوم فى فترة التبويض
وعندى علاج للالتهابات وبدات امبارح اخدت كبسولة منه
هو علاج موضعى (( جينودكتارين)) ومعاه غسول كده كانت الدكتورة كتبتهم لى قبل كده
وطبعا احنا عندنا جمعة وسبت اجازة مفيش حتى دكاترة شغالين ده بالنسبة للعيادات
والمستشفيات الحكومية لازم اكون واخدة موعد فمش عارفة اتصرف ولاعارفة اروح لدكتور
انا بس عاوزة اعرف عادى اخد العلاج ده بعد الصبغة ولا ايه
ولو ربنا اراد وحصل اخصاب فى الفترة دى فده ممكن يضر فى حاجة
طبعا انتو عارفين احنا بنتعلق باقل امل وكل شهر بنستنى يكون فى جديد
والله انا ساعات حتى بعيا وبخاف اخد علاج لحسن يحصل حاجة ويضرها
صحيح يابنات انا عاوزة نصيحتكو ضرورى
انا حاسة انى جاتنى التهابات الفترة دى من بعد اشعة الصبغة...
عارفين يا بنات .. الناس دى اللى مخليهم كده هو نقص الايمان ليس اكثر ولا اقل .. مش هنقول قله اصل منهم لكن هى نقص ايمان لانهم لما بيخافو يحكولنا ده معناه انهم ما يعرفوش حاجه اسمها توكل على الله ... ومايعرفوش حاجه اسمها لو خايفه من عين او حسد احصن نفسى بالاذكار وبقراءة القرآن وخلافه .. وانا مش هقول لكل الناس تعمل زيى انا ومميزات اول ما عرفنا اننا حوامل جرينا عليكوا وفرحنا معاكوا وفرحناكم .. لكن على الاقل لو حتى خايفين من العين او الحسد يبقوا يخبوا شويه لحد ما البيبى يثبت وبعدين يقولوا لنا .. مش يبقى فى الحزن مدعيين وفى الفرح منسيين .. فا التصرف اللى همه بيعملوه ده مبيدلش غير على انهم ناس انانيين يحبوا ياخدوا وما يدوش .. ياخدوا مننا حب وتقدير لمشاكلهم ودعاء ليهم بمنتهى الاخلاص اللى مش هيلاقوه فى مكان تانى ابداااا .. ويبخلوا علينا بأقل القليل اللى هو فرحتنا بحملهم وتفريج كربهم .. همه ميعرفوش ان ده بيدينا امل فى الحياه .. طيب اقول لكوا على حاجه .. اول ما عرفت ان مميزات حامل وهى كانت اول واحده تحمل هنا حسيت ان قلبى كان طاير من الفرحه لدرجه ان الخبر خلانى اتشجع للعلاج اللى كنت خايفه جدا اخده ساعتها وكنت خايفه من الحقن لانى جبانه خالص حتى جوزى مكانش بيزن عليا ولا حاجه كان سايبنى براحتى خالص وانا كنت فى لحظه هطنش واكبر دماغى وأأجل من الخوف بس فا تخيلو الخبر ده عمل فيا ايه دلوقتى !! يعنى لو كل واحده من اخواننا دول تعرف الكلام ده وقد ايه هى بتدفع غيرها للحياه وانها بتعينها على تحمل حاجات كتير مكانتش ابدا تتصرف بالطريقه دى معانا .. والله دى احسن حاجه فى الدنيا سرور ندخله على قلب مسلم الناس دى والله ما عندهاش احساس وهمه فاكرين انهم كده بيحافظوا على حملهم والله ابدا (فالله خير حافظا وهو أرحم الراحمين)