كوبونات الراقية تسجيل الدخول

Neevooo
Neevooo •
boba boba boba boba :
صحيح يابنات انا عاوزة نصيحتكو ضرورى انا حاسة انى جاتنى التهابات الفترة دى من بعد اشعة الصبغة وانا حاليا فى اخر يوم فى فترة التبويض وعندى علاج للالتهابات وبدات امبارح اخدت كبسولة منه هو علاج موضعى (( جينودكتارين)) ومعاه غسول كده كانت الدكتورة كتبتهم لى قبل كده وطبعا احنا عندنا جمعة وسبت اجازة مفيش حتى دكاترة شغالين ده بالنسبة للعيادات والمستشفيات الحكومية لازم اكون واخدة موعد فمش عارفة اتصرف ولاعارفة اروح لدكتور انا بس عاوزة اعرف عادى اخد العلاج ده بعد الصبغة ولا ايه ولو ربنا اراد وحصل اخصاب فى الفترة دى فده ممكن يضر فى حاجة طبعا انتو عارفين احنا بنتعلق باقل امل وكل شهر بنستنى يكون فى جديد والله انا ساعات حتى بعيا وبخاف اخد علاج لحسن يحصل حاجة ويضرها
صحيح يابنات انا عاوزة نصيحتكو ضرورى انا حاسة انى جاتنى التهابات الفترة دى من بعد اشعة الصبغة...
حبيبة قلبي
الف سلامة عليكي من الالتهابات
طبعا دي حاجة ياما عانينا منها و ما زلنا بنعاني
بصي اولا 000حكاية المية الدافية دي من الحاجات اللي زي السحر و بتساعد جدا جدا جدا في موضوع الالتهابات
ثانيا 000 المريمية تغليها في البراد او تنقعيها و تحطيها في ماء التشطيف و تستعمليها او لو تعرفي تقعدي في ميتها شوية
ثالثا000 اوعي تستعملي المناديل الورقية 000 و دي حاجة ممكن تكوني مش عارفاها و هي ان المناديل دي بيتعملها ( Recylcing ) و بتبقى مضرة جدا في المناطق دي و المعلومة دي عرفتها من جوزي بحكم انه كيميائي و طبعا بيعرف خقايا و بلاوي احنا صعب نعرفها 000افضل حاجة هي الفوط القطن بتاعة جدتي و جدتك و زي ما رمال قالتلك لازم تتغلي كويس و تكويها كمان و انا لي اضافة صغيرة انك و لا حرج مش تمسحي لا تنشفي بطريقة الضغط لسببين الاول انك مش تنقلي البيكتيريا من مكان للتاني و السبب التاني انك مش تزيدي الالتهاب نتيجة الاحتكاك
رابعا 000 و برضو دي معلومة عرفتها من جوزي000اوعي تستعملي اي كريم عادي مضاد للالتهاب لان معظم الكريمات دي بتتفاعل مع بيكتيريا المناطق الحساسة و بتزود الالتهاب
و طبعا مش هفكرك بالكلام اللي قالته رمال ربنا يكرمها و يجزيها خير الجزاء
و الف مليون سلامة عليكي مرة تانية
Neevooo
Neevooo •
سمسمه المصريه سمسمه المصريه :
السلام عليكم ازيكم يااحلي تجمع في العالم كلها يعلم ربنا انكم وحشتوني كلكم انا شايفه ناس جديده واخبار حلوة وان في ناس حوامل الف الف مبروك للي حملو ربنا يثبت حملهم ويكملوه علي خير وعقبالنا يارب نيفووووووووووووووووووووووووووووووووووووو وحشاني ياقمر معلشي النت عندي ملخبط ياريت تقوليلي مين اللي حمل عششان ابارك له وادعيلي يارب جوزي يعرف ينزل في الصيف بقا عشان الواحد زهق وعايزه اسالكم يابنات ليه البريود بتجيلي بتعب جامد اول يوم مغص والم في الظهر وميعاد اخر دورتين 14-2و 19-3 ياتري كده مظبطين ورمال وبوبا وكوكر وكل البنات ازيكم من الحق يانيفو اصل فضولي هيموتني وانتي عارفني من اللي حمل ومشي وسبنا يااارب اكتبها لي وانا اجيب مايك والف البلاد واذعيها هههههههههههههههه
السلام عليكم ازيكم يااحلي تجمع في العالم كلها يعلم ربنا انكم وحشتوني كلكم انا شايفه ناس جديده...
يا مجررررررررررررمة
انت وحشتيني مووووووووووووووووت و مهما قلت مش هعرف اوصفلك وحشاني اد ايه و انت عارفة انا مش بعرف اكدب و دي مصيبتي
المهم
انت فينك يا بنتي دة انا قلت نسيتينا بس مش تخافي مش فكرتك حامل 000ازاي يعني و جوزك مسافر!!!!!!!!!!
بصي يا بسكويتتنا 000 بزمتك في حد بيدلعك كدة زينا دة احنا كنا مهنيينك يا بنتي ( اشي شيكولاتة على لبان على مصاصة على كلبظ على حمبوزو قبل ما يلوي بوزو
ههههههههههههه
بصي احنا متفقين ان عك الدكاترة معاكي في المنشطات هو اللي لخبط الدنيا عندك كدة و دة اللي كان بيخليها لو تفتكري تيجي كتير و متلخفنة
بالاضافة ان حضرتك و انت عارفة اني عارفة دة كويس000حضرتك قلوووووووووووووووووقة بشكل يفرس مع اني مش فاهمة ليه القلق و جوزك مش موجود و طبيعي جدا انها تتاخر عندك كام يوم عن ميعادها نتيجة القلق دة
لو سمحتي من فضلك ابوس ايدك مش تفكري فيها و لا تعملي اي حاجة الا اما جوزك ييجي
و كان ممكن اقولك روحي للدكتور يظبط على ما جوزك ييجي لكن لا عشان عارفاكي كويس يبقى الافضل نستنى لما جوزك يرجع بالسلامة ان شاء الله تعالى
اخر حاجة000 اقسمت عليكي بالله يا سمسمتي مش تغيبي عننا انت عارفة انا بحبك اد ايه و قلقي عليكي بيجنني و على فكرة مش عندي ياهو و موبايلي كان بايظ
لو بتحبيني صحيح زي ما بتقولي مش تغيبي عننا تاني
,و ان شاء الله تعالى جوزك يرجع بالف سلامة و كل حاجة تتظبط و تمسكي الميكروفون و تلفي في كل حتة و تقوليلنا احلى خبر
ربنا كرييييييييييييييييم
Neevooo
Neevooo •
يا بنات عاوزة اقولكم على حاجة عشان مخكوا مش يودي و يجيب
انا اما قلت على البنات اللي حملوا و مش قالوا كان بسبب موقف حصلي امبارح و انا بدعبس هنا في المنتدى في سكاشن تانية فوجئت بواحدة بتحكي عن حملها و طبعا عارفاها من اسمها و استغربت جدا و قلت في نفسي عادي هي حرة
لكن بعد شوية و انا برضو بنكش لقيت واحدة تانية كاتبة في توقيعها ام فلان
لا خبطتين في الراس توجع في يوم واحد و في وقت واحد
و لقيتني بسال طيب ليه؟000هو احنا مثلا هننحسهم؟ 000 و لا احنا عشان لسة ربنا مش انعم علينا بالذرية دة معناه اننا منبوذين؟000طيب هم خايفين على نفسهم من الحسد؟000طيب ايه اللي احنا عملناه عشان يستكتروا علينا نشاركهم فرحتهم؟000و قعدت اسألهم زي المجانين طيب ليه نسيتوا اما كنا بنطبطب و نشاركوا كل تفاصيل الالم و الخوف و القلق طيب انت يا فلانة ليه متهزيتيش من النداءااااااااات الكتيييييير اللي بقولك فيها انا قلقانة و هموت من قلقي عليكي0000ياااااااااااااااااااااه ليه كدة00ليه و ليه و ليه؟
اسئلة كتيييييييييييييييييييييييييييييييير نطت في دماغي مع اني مش عارفاهم شخصيا غير من كلامنا اللي كان في الجزء الاول مع بعض
صدقوني يا بنات انا مش مكبرة الموضوع و زي ما بقولكم كل واحد حر و اوعوا تفتكروا اني بمنّ عليهم و العياذ بالله000لا انا بس كنت عاوزاهم يحترموا مشاعرنا اكتر من كدة و يقدروا اللحظات اللي شاركناهم و وقفنا جنبهم فيها 000ليه يكون من حقهم اننا نكون جنبهم وقت ما يحبوا و مش يبقى من حقنا نكون جنبهم برضو ما يحبوا هم الاصحاب دلوقتي بقوا لتادية دور و مجرد ما ينتهي ينتهي معاه كل شيء؟
انا مش عارفة اقول ايه 000بس الواحد بيتصدم ليه قسوة القلب دي انا بعتبرها قسوة000 والله قلوب قااااااسية
دة انا كنت هموووووووووووت من الاحساس بالذنب في الفترة اللي كنت فاكرة اني حامل و كنت بقول لنفسي اما ارجع و اقول اني حامل هيفتكروني كنت بتلائم عليهم 000مع اني كان كل تفكيري اني معملش قلق
انا مش بقول اني احسن منهم او اني عاوزة الكل يعمل كدة بالعكس 000برضو هرجع و اقول كل واحد حر
و يااااااااااااااااااارب فرح قلوبنا ببعض و ديم الحب اللي بيننا و اكفينا شر الشيطان و همزاته و مش تفرقنا ابدا ابدا ابدا
سامحوني طولت عليكم
بس قولوا من معاميق معاميق قلوبكم
اللهم آميييييييييين
بحبكم والله من قلب قلبي كلكم في الله
boba boba
boba boba •
رمـــــال رمـــــال :
بصى يا بوبا الالتهابات مش هتزيد يعنى من كام يوم وطالما انتى واخده احتياطاتك خلاص بس زودى النضافه وخليها بضمير حبتين الايام دى :3_13_11: وبس وما تقلقيش بالنسبه للعلاج اللى اخدتيه ان شاء الله لو حامل مش هيأثر فا طمنى روحك .. وماشاء الله عليكى انتى بتعملى كل اللى قلته لك وكمان طريقه التنشيف بتاعتك مظبوطه ميه الميه :icon18: .. بالنسبه للتوم والكلام ده انا قريت هنا كتيييييير بخصوص الحاجات اللى بتتحط كعلاج وقريت عن تحميله من التوم والعسل بس لما سألت الدكتورة قالت لى الحاجات دى كويسه وما فيهاش مشكله بس خلينا نتعامل مع الالتهابات بالعلاج بتاعنا افضل ولانها كمان قالت لى التوم هيحرقك شويتين وانتى مش هتتحمليه فا خلينا فى المراهم دى افضل وكمان بتكون معقمه وجاهزة للاستعمال فى المناطق دى فاهمانى .. :blink: وخلى بالك من حاجه الدكتورة بتاعتى قالتهالى ان الميكروبات اللى بتنشط فى المكان ده بتكون رخمه اوى وبتاخد وقت فى العلاج وبتكون بمعنى اصح مكلبشه وبتلبد ولازم تتعالج كويس علشان ما تروحش حته تانيه وتقعد تتفسح يمين وشمال .. انا عارفه ان العلاج رخم وبعدك عن جوزك ارخم :p بس حاولى تعالجيها كويس المرة دى علشان تحافظى على صحتك انتى وجوزك وعلشان لما يحصل الحمل ما تتعبيش برده وتكونى مرتاحه لانك ساعتها لو تعبتى مش هتستعملى اى حاجه
بصى يا بوبا الالتهابات مش هتزيد يعنى من كام يوم وطالما انتى واخده احتياطاتك خلاص بس زودى النضافه...
يارمال انتى فهمتينى غلط ههههههههههههه
انا عمرى ما اقدر احط ولا توم ولا عسل ولا حتى اى حاجة فى المنطقة دى
انا كنت اقصد اكل التوم
بس انا اللى محيرنى حاجة هو ازاى لو كلته هيوصل مفعوله للمنطقة دى
وكمان سمعت يابنات ان البكتريا والفطريات بتحب العسل زى البنى ادم بالظبط
عشان كده مافكرتش عمرى استخدم حتى تحميلة العسل وطلح النخل فى المنطقة دى
مع8 انى بسمع عنها كتير
وربنا يكرمك على النصيحة انا فعلا امبارح خفت اخد الكبسولة وقولت برضه
يعنى هى الميكروبات هتزيد من اسبوعين تلاتة
انا اعمل اللى عليا واهتم اكتر بالنضاففة وخلاص
وعشان طبعا انا موسوسة مووووت قمت لميت كل ملابسى الداخلية حتى اللى فى الدولاب
وغسلتهم بمية بتغلى واريال وديتول احتياطى يعنى
boba boba
boba boba •
سمسمه المصريه سمسمه المصريه :
السلام عليكم ازيكم يااحلي تجمع في العالم كلها يعلم ربنا انكم وحشتوني كلكم انا شايفه ناس جديده واخبار حلوة وان في ناس حوامل الف الف مبروك للي حملو ربنا يثبت حملهم ويكملوه علي خير وعقبالنا يارب نيفووووووووووووووووووووووووووووووووووووو وحشاني ياقمر معلشي النت عندي ملخبط ياريت تقوليلي مين اللي حمل عششان ابارك له وادعيلي يارب جوزي يعرف ينزل في الصيف بقا عشان الواحد زهق وعايزه اسالكم يابنات ليه البريود بتجيلي بتعب جامد اول يوم مغص والم في الظهر وميعاد اخر دورتين 14-2و 19-3 ياتري كده مظبطين ورمال وبوبا وكوكر وكل البنات ازيكم من الحق يانيفو اصل فضولي هيموتني وانتي عارفني من اللي حمل ومشي وسبنا يااارب اكتبها لي وانا اجيب مايك والف البلاد واذعيها هههههههههههههههه
السلام عليكم ازيكم يااحلي تجمع في العالم كلها يعلم ربنا انكم وحشتوني كلكم انا شايفه ناس جديده...
وعليكم السلا م ورحمة الله وبركاته
يادى النور يادى النور
ايه ده كله ايه ده كله
سمسمة رجعت ياولاد
ده فعلا باين التجمع ده وشه هيبقى حلو علينا
والدليل اهه اللى غايب رجع يشارك فى التجمع الجديد

وان شاء الله الامل اللى متاخر يجى هو كمان وينور تجمعنا ده
ونسمع احلى اخبار باذن الله