Neevooo :

حبيبة قلبي بوبا ربنا يكرمك و يفرج كربك و ينور بصيرتك و يهديكي لكل اللي فيه الخير و يشفيكي و يعافيكي و يرزقك من حيث لا تحتسبي بصي يا حبيبي 000خلينا نفكر سوا بهدوء عشان نرتب افكارنا و نشوف ربنا هيهدينا لأيه اولا 000 انت بتقولي ان الدكتورة قالتلك انه لازم عملية و الدكتور التاني قالك لا مش لازم يبقى كدة عندنا رأيين عكس بعض الحل اننا نشوف رأي تالت يرجح واحد منهم و ان شاء الله يكون فيه الخير و بأمر الله كوكر ترد عليكي في موضوع الدكاترة دة و هي ربنا يكرمها مش بتتاخر على اي حد بالمساعدة و طبيعي انك تستني على الحقنة و مش تاخديها غير اما تروحي لدكتور تالت 000 و احنا متفقين ان راي الدكاترة امر مش بيكون مسلّم بيه طول الوقت و كمان عندي اقتراح 000انت كنتي قلتي انك بتراسلي د / عادل 000 طيب ما تبعتيله تاخدي رأيه في الموضوع ( دة بجانب انك هتروحي لدكتور زي ما اتفقنا ) و يا ريت لو تقدري تبعتيله صورة السونار و نشوف هيقولك ايه و اعتقد من خلال كلام البنات عنه و احسبه كذلك انه انسان محترم جدا و مش هيبخل عليكي بالنصيحة ثانيا 000بالنسبة لاقامتك و شغلك 000انا من رأيي و انت طبعا حرة في الاخذ به او لأ000 الغربة يا حبيبتي مش سهلة و زي ما بتقولي ايه فايدة انك تعملي العملية و انت مش هتقدري تكوني جنب جوزك؟؟؟؟؟؟؟؟؟؟ يبقى نصبر لحد ما نخلص اوراق الاقامة بتاعتنا على مهلنا علشان اما نقرر ننزل مصر نكون مرتاحين نفسيا و كل امورنا مستقرة بأذن الله تعالى بالنسبة لشغلك انا طبعا مش عارفة طبيعته ايه بس خليه آخر حاجة تفكري فيها بعد ما تكوني استقريتي على كل حاجة و عرفتي هتعملي ايه000و اعتقد انك ممكن بعد كدة تقدمي على اجازة و حتى يا ستي لو لا قدّر الله مش نفع ترجعي شغلك هيبقى الهدف اللي عندنا و اللي كل شيء يهون عشان خاطره و ان شاء الله تتلخمي في الحمل و الولادة و مش تحتاجي شغل و يا رب يوسع رزق زوجك و يرفع من قدره و يعلي مراتبه ( على راي جدتي الله يرحمها ) ثالثا 000 مش انت يا حبيبتي كنتي واقفة العلاج طوووووووول الفترة اللي فاتتت؟ 000 و اعتقد ان دة سبب زيادة حجم الكيس 000معلش بس اصبري لحد ما نشوف الدكتور هيقولك ايه و كل مشكلة ليها حل يا حبيبتي بس الصبر و الحمد لله انك دخلتي فضفضتي معانا عشان تهدي و تقدري توصلي للقرار السليم و نصيحتي ليكي بلاش تتسرعي و تمهلي اوي لانك زي ما بتقولي القرار مش هياثر في اتجاه واحد بس لا دة له 3 ابعاد ( ماديا و شغلك و اقامتك ) يبقى نصبر يا حبيبي و نفوض امرنا لله و ربنا قادر يحلها من عنده رابعا 000 مش عارفة هتصدقيني و لاّ لأ لو قلتلك انك في بالي على طووووول و بالذات و انا بصلي و الحمد لله رب العالمين بدعيلك و انا ساجدة كمان ( يلا يا عم اي خدمة 000دعوة نقاوة اهيه000جاية بواسطة من على وش القفص ) خامسا 000و سادسا 00 و عاشرا و مليون كمان 000 الصلاة و الاستخارة ثم الدعااااااااااااااااء و طبعا انت مش عاوزة توصية 000ربنا يقوي ايمانك و يرضيكي و يراضيكي ( دعوة تانية اهيه من دعوات جدتي ) شوفتي طلعتلك كل الورث و الزبد بدعيلك من قلبي000ربنا معاكي يا حبيبتي و قادر يفرك كربك و يكشف همك و ينور بصيرتك و يزيل غمك اللهم آمين و ابقي طمنينا عليكي دايما

حبيبة قلبي بوبا ربنا يكرمك و يفرج كربك و ينور بصيرتك و يهديكي لكل اللي فيه الخير و يشفيكي و...

boba boba :

السلام عليكم ورحمة الله وبركاته ربنا مايحرمنى منك يانيفو ماشاء الله عليكى ربنا يهدى بالك زى ماهدتينى بس انا عاوزة اقولك انتى كلامك صح انى لازم اروح لدكتور تانى وان شاء الله انا اخدت ميعاد يوم التلات الجاى عشان يكون فى امر فصل فى الموضوع ده وبالنسبة لدكتورعادل انا فعلا كلمته وقالى انه مش معنى انى اعرف ان الكيس بيكبر يبقى اجرى على مصر واعمل العملية بعد اسبوع لانه مش بيكبر بين يوم وليله وبالنسبة لانى كنت موقفة العلاج فأنا ماوقفتهوش بالعكس انا ال3 شهور اللى فاتت كنت باخد منشطات والدكتور بتاعى هو اللى كان كاتبلى عليهم بالرغم من انه عارف بوجود الكيس وده خلى حجم المبايض كبرقوى والكيس زاد تخيلى فى مبيض حجمه 25سم والتانى وصل ل37 وانا خايفة من الاحجام دى قوى ومش عارفة ده هيكون فى خطورة عليا ولا؟ ونفسى اعرف هو حجمهم ممكن يقل تانى ويرجع للطبيعى ولا هيفضلوا كده على طول وبالنسبة لشغلى انا ياستى مهندسة وحاليا بشتغل فى القطاع الخاص وان شاء الله على شهر 6 الجاى هتعين تعيين حكومى فى وزارة هنا يعنى نزولى مصر مش بس هيخسرنى شغلى اللى بشتغله حاليا لا كمان هيضيع عليا فرصة التعيين الحكومى وكمان الاقامة ولو منزلتش مش هقدر انزل غير بعد التعيين الحكومى على الاقل ب 6 شهور يعنى يمكن على بداية السنة الجديدة وطبعا قصاد الحمل كل الامور دى تهون بس طبعا لما بهدى وبفكر بالعقل بقول مش انا اللى هدبر امورى اكيد ربنا له حكمة فى كده وبالنسبة بقى لانى على طول فى بالك فده عشان القلوب عند بعضها والله انا حتى لما بكون نايمة وبقلق ويجينى ارق ما اعرفش انا م تانى وده يوميا بفضل استغفر وادعى لنفسى ولكل المسلمات

السلام عليكم ورحمة الله وبركاته ربنا مايحرمنى منك يانيفو ماشاء الله عليكى ربنا يهدى بالك زى...

Neevooo :

بوبا انا لي عندك سؤال خطر على بالي حاولي في اكلك مش تستخدمي الحاجات الصناعية (الماجي و الفراخ البيضا ) و الكولا و البيبسي و ياريت لو تخلي كل الخضروات اورجانيك و البيض كمان و لو تقدري دخلي فول الصويا في اكلك ( بس خلي بالك مش تحطي لجوزك لانه بيأثر على خصوبة الرجل ) و احنا مش ناقصين بدل ما نيجي نقصر البنطلون الجاكيت يضرب ايه تاني 000اه التمر انت كنتي نزلتي موضوع عنه هنا في الملف على ما اعتقد ( يا رب تطلعي انت بدل الحول اللي انا فيه دة ) كمان كلي خس كتير على اد ما تقدري و يا ريت البلدي بتاعنا دة و كل ما اغمق لون الاخضر بتاع الورقة كان افضل و كمان الشوفان ممتاز ممتاز ممتاز حطيه على الكفتة او اعمليه شوربة او كيك بيدخل في حاجات كتير اوي اه كمان لو بتحبي النسكافيه استبدليه بالبارلي ( تحفة و مش بيفرق عنه خاااااااااااااالص ) 000لاني كنت قرات ان الكافيين له تاثير سلبي على الخصوبة مش فاكرة دلوقتي حاجة تاني اما افتكر حاجة تانية هدخل اقولك معلش رغيت كتير و يا رب مش اكون وجعت دماغك

بوبا انا لي عندك سؤال خطر على بالي حاولي في اكلك مش تستخدمي الحاجات الصناعية (الماجي و الفراخ...