لو يوم بالاسبوع تودين عيالك عند امك او احد خواتك وتفضين نفسك لدراستك بتمشين فيها
وع قوله صديقاتك الزقي في المدرسين لا تقولين كيف
نفس الشيء روحي لهم يوم بالاسبوع او يوم بالاسبوعين
ومثل ماخلصتي السنه التحضيريه بتخلصين الماستر
لا تقعدين تقنعين نفسك بان بتتعبين وبيروح تعبك هدر ولا وظيفه ولا شيء هذا كلام الفاشلين مع احترامي لك
انتبهي تبطلين انتبههههههههي وقومي توضي وصلي وادعي ربك يوفقك ويسهل عليك
وغيري تفكيرك ومابتحسين الا انتي جايه تقولين باركوا لي خلصت الماستر

تذكري ( من سلك طريق يلتمس فيه علمآ سهل له الله طريقآ الى الجنه )


الله يوفقك

غيري طريقة تفكيرك وانت ترتاحين.. شيلي الافكار السلبيه: انا تعبانه انا محد يساعدني انا قسمي مو متعاون انا ماقدر عندي اطفال ماراح احصل وظيفه.... الخ
وفكري بايجابيه: انت بمكان غيرك يتمناه، انت قطعت نص الطريق للماجستير ومابقالك شي وتخلصين
وعلى فكره ترى مافي شي سهل كل شي يتمناه الواحد يتعبله الى ان يوصل
وبالنسبه لعيالك انت بس تريحين نفسك من هالافكار السلبيه راح ينعكس هذا على عيالك
وانت اكيد عندك شغاله فكري بغيرك اللي يناضلون بالغربه دراسه وبيت واطفال وازواج يدرسون ولاشغالات ولا اهل الله يعين

احمدي ربك وخلصي امورك

لا تتركينها نصيحة
لا يكون همك الوظيفة بس خلي عندك طموح هدف اشغال وقتك انتاجية احتساب الاجر تثقيف نفسك يعني تثقيف اولادك
الموضوع صعب بس مو مستحيل تخيلي انك بمكانا بالغربة انت مسؤوله عن كل شي تقريبا داخل البيت وخارجه اطفال تنظيف بيت نودي الاطفال الحضانات ونجيبهم نوديهم تطعيمات ونجيبهم مواعيدهم مواعيدنا وطبخ وغسيل ووووووو
هذا فوق هم الغربة ويقابلون ناس عنصريين
مع هذا يدرسون ويتعلمون
الانسحاب مو حل

شوفي موضوعنا هنا ممكن يفيدك خاصة في جزئية ترتيب امورك
http://forum.hawaaworld.com/showthread.php?p=57212909&posted=1#post57212909

لا لا لا لا لا توقفين أمشي مع الطريق اللي بيعطيك في النهاية شهادة الماجستير..وشوله تلفين على طريق البطالة و القعود؟
عندك شغالة؟
إذا إيه أجل الحمد لله تقدرين تمشين أمورك بانتظام و إذا لأ حاولي بتنظيم وقتك و إنجاز أمورك..
صحيح أن المرأة مكانها بيتها و ربي سماه "قرار" لأن فيه الراحة و الطمأنينة و السعادة...بس أنتِ اخلصي النية بهدف رفع الجهل عن نفسك و بنية تعليم أبناء الأمة ما ينفعها ...لا تقولين ما فيه وظايف إن شاء الله الخير بيجي بس أنتِ اصبري و كملي..
ما قلتِ إيش تخصصك و أنا أعطيك نسبة التوظيف مستقبلا بإذن الله...
الله يوفقك و يفتح عليك يا عسل :)

السلام عليكم ياقمر

اول شي عليك بالاستخارة والدعاء فهي الاهم
وبعدها انت اوزني الامور بنفسك ولنفسك اولا قبل اولادك

انت اذا تحتاجين هالدراسة اقدمي عليها
اما اذا ماتحتاجينها ابدااا وحاسة نفسك عايشة حياة افضل بدونها
بس مجرد ان عندك احساس جواتك يقول لك لاتضيعين الفرصة
فهذا خطأ وبالعكس
اهتمامك بأولادك والبقاء معهم ومراعاة مشاعرهم شي مهم
الا اذا كانوا هم قادرين يعيشون بدونك حياة ممتازة
لانهم قدرين اكيد يعيشون بدونك بس اقصد هنا بالمعيشة
اللي تعلم المفيد والجيد ورد الطالح والصدر الحنون
....


ولو نكتب لك احنا من هنا الى بكرة والله مارح نحدد حاجة اولادك وحتى فيه شي مهم لازم تاخذينه بعين الاعتبار اللي هو
نظرة زوجك لك اذا انت تحبين تتعلمين وتهتمين بهالشي او لا؟!!
لان الرجال يهمهم ان المرأة ماتجلس ومايحب يحسها حطني تلقاني!!

فاوزنيها انت بنفسك وشوفي
ترى فيه حريم الافضل لنفسيتها ونفسية اولادها الوظيفة
وفيه اللي الافضل لها تجلس ببيتها وتنمي مهاراتها وهي جالسة ببيتها
فأنت شوفي نفسك ايهم وحددي مسارك...

والله يوفقك حبوبة،،