حبيباتي انتو

والله ماأدري كيف أشكركم وحدة وحدة أخواتي إلا أغلى بعد
نصائح مخلصة ومن ناس مثقفة وواعية
أشكر وقفتكم بجانبي ودعمكم الهائل
كل من كلفت نفسها وخطت حرف هنا والله أثر فيني ودخل للقلب

أنا يالغاليات قسم القرآن وعلومه، الدراسة فيه ممتعة مع صعوبتها لكن الفوائد الي خرجت بها من الدراسة تجعلني أخاف من التوقف
للمعلومية أهلي مو عندي بمدينة ثانية
يارب يسر لكل وحدة تريد إكمال دراستها ونجحها بأعلى المستويات

أحبــــــكـــــــم

انتي لها ..
لا تتركينها ..
....... لن تبلغ الشمس حتى تلعق الصبرا

أنا طالبة ماستر انهيت السنتين تماما وحاليا في المراحل الأخيرة من البحث لتقديمه للمناقشة

بحثي تجريبي (شبه تجريبي) ، وليس وصفيا حتى ..
ومع ذلك أنا متزوجة وموظة وأم لطفلين كذلك ، وأدرس بمكان وزوجي بمكان آخر ...
والله العالم كم رأيت وواجهت في حياتي ، أسأل الله أن يبلغني ما أريد ، وأن يؤجرني في تعبي ..

ربي يسهل لي ولك وعلى بنات المسلمين

لاااا اقولها لك وبقوووه كملي طالما وصلتي وعديتي التحضيريه وبذلتي جهد كبيررر بتقدرين بعون الله تكملين بجهدك ونيتك وجهادك
اطفالك حااولي تجلسين معاهم فتره قبل موعد نومهم طلعيهم مره بالاسبوع خليهم بالويك اند عند اهلك
الدراسه شدي حيلك احنا بغربه وماااحد يساعدنا ومصرييين عالنجاح

اساتذتك انشبي فيهم ابحثي بالنت حاولي توصلين لاحد بنفس تخصصك يساعدك

لاتفكرين غيرك ماتوظف السعوديه بخير ومقبلين لمستقبل رائع ان راد ربي ماحد بيضيع تعبه وهذي ارزاق من ربي
ودعواتي لي ولك ولكل مسلم بالتوفيق

سفانه حاسه فيك والله انا توي والده وبديت احس ضغط الطفل مع الابتعاث بس في شي بداخلي يقول انجحي ومعك طفلك علشان بكره اذا كبر يحس بفخر ان امه نجحت وهو موجود واانتي ماشالله في السعوديه يعني في بيتك وبين ناسك مو مغتربه ماعندك احد من جد تراك وصلتي لنص الطريق لاترجعين خذي راحه اذا تقدرين وبعدين واصلي ولاتفكري بفلانه وعلتانه الله كتب لك نجاح غيرهم ومستقبل غيرهم

الله يوفقك

ياقلبي ابد لاتبطلي والله غاليبية الناس اللي بتدرس يدفو انفسهم دف وكلهم عندهم نفس مشاكلك واعظم
احمدي ربك تدرسين بلدك مو بالغربة شوفي اللي يدرسوا بالغربة كيف حياتهم واولادهم معاهم وبيدرسوا
وبعض الدول مافيها مدارس سعودية يعني مايدرسوا عربي يدرسنه منازل ويختبرون المناهج السعودية وقت الاختبارات
حتى وقت مايلقوا احد يحطوا عيالهم عندهم
انتي عندك اهلك تقدري تحطي عيالك عندهم
ادعي ربك بالبركة في الوقت والتوفيق وصلي اخر الليل كل يوم وادعي ربك وبتشوفي التوفيق ان شاء الله ولاتنسينا بالدعاء