طبخات مكوناتها مادخلت مزاجك ..

صباح الخير حبيباتي ، تقبل الله طاعتنا جميعا ..


صحيح كلن له ذوقه ورغبته لكن في اشياء مو محبوبة عند الكل ..
يكون بنكهتها او مكوناتها شي مو مالوف فماتلقين كلن يتشجع يسويها او تعجبه نكهتها ..


مرة طبقت هذاك الحلا الي طبقتين الاولى حليب محموس وسميد محموس والباقي
الي تعرفونه، طلعت حليوة لكن الطبقة الي تحت ثقييييييلة ثقل !!
ذكرتني بوصفة قديمة كنت اسويها ايام الكلية كانت الطبقة الي تحت
بس سميد محموس وسكر وقشطة مع طبقة بسكوت شاهي ومع لذتها لكن في شي
من الثقل فيها ..
لكن يوم جيت اطبق الوصفة هذي الي فيها حليب محموس + سميد محموس
وشفت كمية الثقل حرررررمت اسوي اي وصفة
فيها هالحاجتين مع بعض ..


يوم اروح يوتيوب ..
اطبق بعض الوصفات لكن انصدم بالنكهة او القوام !!
يعني في وصفات الاقي كوبين طحين مقابلهم ملعقة صغيرة باكنج باودر !!
ولا الي كوب طحين وكوب زيت !! مقادير واضح مو مضبوطة
اعدلها ثم اكتشف ان الطعم اقل من عادي
مو زي ماتقول راعية الوصفة ..


بعض الوصفات اشوفها بالانستا ولا السناب صاحبتها مطيرتها فوووق
ومخليتها شي ماصار وانتي من المقادير تعرفين نكهتها وان طعمها جدا عادي ..


الشي الثاني الي اظن بتجيني هجمة محترمة بسبته
الجلكسي والسنكرس وذي الاشياء !! يعني تجي راعية الوصفة تقول لك سويت
حلا خياااال ويسرسح ويفرفش ويكرفس .. اطالع المكونات القى نصها سنكرس وكريمات !!
وين الابداع هنا ؟ شي بديهي اني اذا خلطت ذي الككاوات مع بعض وحطيت عليها اي شي مكسرات بسكوت
اكيد بتطلع لذيذة !! .. الحلويات المميزة هي الي تتميز بالنكهة من الاشياء الموجودة بالبيت مو الي موجودة بالسوبر ماركت !!!


واخرتها صار فيه
بسبوسة بالجلكسي
وكنافة بالمارس


اخ يا قلبيييييه


دوركم :26: