سلخيـــــــر تسيف انتو وتسيف الدنيا معاكم ...شوفوا يا حلوووووووات >>>>>>> من قدكم طلعتوا حلواااااااات
عندي لكم خوش فكره بما اننا حريم >> لا ياشيخه على بالك قايله شيء جديد
وش رايكم نكتب مواقفنا اللي صارت لنا في الطبخ ......................
اكيد كم وحده انحاست عليها الطبخه او احترقت او طلع ملحها
قليل او حطت شيء من عيال افكارها اضافي على الطبخه وطلع لها طبق جديد:D
يالله ودي تشاركون في هذا الموضوع بـ مواقفكم الرررررررهيبه .............
وراح ابداء انا واذكر لكم كم موقف مر علي ::::::
** اذكر مره من المرارير >>>>> عليك لغة مهب صاحيه
سويت كبسه ريحتها تأخذ العقل لكن مع الأسف الزين ما يكمل >> وش دخل الزين
طلعت ناسيه احط الملح ويوم جينا نتغداء الأ الرز مافيه ريحة الملح
قام مازولتي ما يبي يفشلني وجاب الملح وصار يرش على كل لقمه وياكل :D
** واذكر بعد مره جيت اسوي حلى بالكاسترد عاد انا والتطلي ما نتفق
المهم ذقته عند وحده واعجبني وقمت ذاك اليوم وزينته مع الغداء
واسوي طبقتين وحده بالكاكو ووحده ساده واحط في النص بسكوت شاهي
ويوم حطيت الغداء واروح اطلع الصينيه من الثلاجه الا هي تروج
تقولين صابه عليها مويه قلت فشله وشلون اقدمها خليني احطها
بالفريزر يمكن تثلج واقطعها وهي مثلجه ومحد بيدري عنها المهم ويوم
بدينا في الأكل قلت لمازولتي وبنياتي لا تكثرون الحين ابجيب الحلى
>>>>>> امحق حلىىىىىىىىى
واطلعه من الفريزر والقاه مثل ماهو والله فشله قلت مافي الا اني اقدمه
بصينيته واحطه لهم كذا قال مازولتي هذا الله يهديك ما يؤكل بملاعق
هذا يبيله فناجيل علشان يشرب فيها خخخخخخخخخخخ طاح وجهي ويالله لقطته
** ومره كان عندي ضيوف وجاب زوجي الذبيحه علشان اطبخها
>>>>>>> ابعلمكم اني اطبخ ذبايح حرمتن سنعه
واحطها على النار وافتح فمي بالسواليف مع الحريم واثر الذبيحه
صغيره ما يبيلها تطول على النار ويوم جيت الا اللحم طالع من العظام :05:
اما المريخيــــــــه يا عليها مواقف تصرع اذكر منها ::::
** بعد ما تزوجت اختي صارت المريخيه هي راعية المطبخ >>> امحق
المهم راحت تسوي لنا غداء ذاك اليوم الا ونشم ريحة فانيليا في البيت
قلت : ماشاء الله من السناعه سوت الغداء وسوت معه كيك لقهوة العصريه
عاد يوم خلص الغداء وجابته لنا الا ريحة الفانيليا طالعه من الكبسه
عاد هي فيها الضحكه وساكته قام اخوي وقرب يتغداء قال وععععععععععع
وشذا كبسه بنكهة الفانيليا قالت :: شفت علبة الفانليا وحسبته ملح ناعم
وحطيت ثلاث ملاعق على اللحمه خخخخخخخخخخخخ
** ومره جت تبي تسوي لنا كيكه بالدخن قامت راحت جابت كيس هو على بالها
انه دخن قالت : يمه شوفي تاريخه زين والا لا
قالت امي : وجعععععععع هذا سمنت يالرفله المطفوقه بغت تسوي لنا كيك بالسمنت ..
** ومره كنت جالسه انا وياها وخالتي ومرت اخوي وقلنا لها قومي سوي
لنا شاهي والله مشتهينه قامت من زود الرجه وسوته بسرعه وجابته
ولا اخذ منها خمس دقايق المهم صبت لنا الفنجال جيت ابشرب لقيته
ما ينبلع مافيه طعم بس لون شاهي قلت وشذا ليش استعجلتي وجبتيه
كان خليتيه شوي على النار قامت فطست من الضحك قالت : من قال لكم
اني حطيته على النار اصلاَ ، حطيت سكر وشاهي في الترمس وصبيت
عليه مويه من السخان ورجيته وجبته لكم ما ابي تفوتني سوالفكم :42:
يالله وروني مواقفكم السنعه يالسنعااااااااات
اثرك طباخه درجه اولى ذيكو..
والله مواقف حلوه وتفشل..
انا لسه اتعلم اطبخ ..
يادوب اطبخ كبسه