بنات انا سجلت بهالاسم لاني عندي اسم ثاني والكل عارفني بس حبيت انو اكتب بهالاسم الجديد عشان السرية
والله اكتب لكم وانا الدنيا صاكة في عيني ليش زوجي يتصرف معاي كذا
بدخل بالموضوع انا متزوجة من عدة سنوات وعندي اطفال ولله الحمد المشكلة انو زوجي عصبي عصبي عصبي تعبت والله حيل شوفوا وش يسوي وانتوا احكموا يمكن انا متوهمة
اذا بغى يطلعنا اول ما اجلس بالسيارة الاقيه متغير 24 درجة مع اني ما اطلع الا فين وفين يبدي بالصايح احس اذوني راح تنفجر وليش لان الاطفال اتكلمو معاه او هو يتذكر مشكلة قديمة مع اصحابه ويبدي يصيح باعلى صوته وبالاخير يسب فيني ويغلط علي وش دخلي انا
اسكت واعديها اذا سارت من يمنا سيارة مستعجلة واحنا في الطريق يسير باعلى سرعته ولا يفكر معاي اطفالي او زوجتي ويبدي السباق مع الشباب وانا ذابحني الخوف حتى والله اتذكر في شخص كان يبي يضربني والسبب زوجي ولما اتكلم معاه ليش تسوي كذا يقول انك تكذبي علي وانك وانك وينزل يسبني وووالخ :44:
في البيت اذا جيت اكلمه يصيح فيني صوت والله اخاف واهرب حاولت معاه بكل طريقة ما نفع كرهت حالي والله اني اكتب و دموعي تجري انا يا بنات مغتربة وصارلي 10 سنوات ابي اشوف ابوي المسكين والمريض اريد اشوف امي اخواتي ما يقبل يسفرني لو يسافر هو معي لو لا
طيب اشلون وهذا حاله كيف اتصرف معاه اذا سافر معي وهو ما ينطق بس يصارخ مع العلم انو عائلته كلهم موجودين معانا يعني رايح بس عشان عماته واصدقاؤه بس يبي يضايقني, قبل ساعة كان يبي يطلع كنت اتكلم معاه عادي كان يسولف عن اخته والله ما اتكلمت ابشئ الا صاح فيني وسبني وغلط علي بقيت ابكي وللحين انا على هالحالة
اذا سمعني اتكلم مع اهلي لان اشتاقلهم وتوه واصل يظل يصيح وامي المسكينة تخاف وتسكر الخط اذا اختي كلمتني بس يسمع بيها يضرب العيال والصوت حتى الجيران تطلع من تسمع صوته لان احنا في دولة اجنبية حتى والله واحد من الجيران اتصل بالشرطة بسبب زوجي لان خافوا انو يكون ضاربني :angry:
بنات في السوق او امام اخوانه ما يحشمني ولما اعاتبه واخبره بالغلط اللي سواه يخبرني اني اتهمه باطل ويظل يدعي علي :icon33:
هو يشتغل المفروض يرجع مشتاق لعياله والله يرجع تعبان ياكل وينام بس اذا صحى يا ويلنا من اللي راح يسويه فينا
ما اكذب عليكم انا بديت اكرهه ليش يسوي في كذا مو حرام ولا انا غلطانة , انا اصلي واصوم ومواضبة على قراءة القران والاستغفار وفي البيت ما مقصرة نظافة واكل وحتى مع عيالي ابوهم ما يشوفهم الا ساعة لو ساعتين وكله وهو ما راضي عني , حاولت ادخل ناس من طرفه لو طرفي ما نفع .
مرات ابعثله مسج حلو تدرون والله ما يجاوبني ولا يعبرني :mad: لاني اقول انا يمكن مقصرة معاه يمكن يبيني اهتم فيه اكثر بس ولا نفع ازعل اسبوع اثنين يراضيني بس بعد ساعة لو اقل يرجع لحالته هو حنون حيل وكريم بس هالطبع الحاد تعبني , مرات احس ابصداع قوي من اسمع صوته وصراخه ولما اطلب منه يهدي عشان انا اخاف عليه يعلي صوته اكثر وما يسكت :icon33:صرت اغلب اوقاتي اتحاشاه وما اتكلم معاه يعني الصمت خيم على حياتي
بالله عليكم شوالحل انا غلطانة خبروني
يلزم عليك تسجيل الدخول أولًا لكتابة تعليق.
غلاء روحي
•
لا حبيبتي ماانتي غلطانه الله يهدي زوجك ويسخر ه لك ويبدل حياتك للافضل عاجلا غير اجل ....
سبحان الله يااختي كانك تتكلمي علي زوجي
لازم يوميا يسم بدني بكلامة مثل الحنظل كلامة
والله يااختي عادي ممكن اتحمل فقط اذا كان وضعة المادي زين كنت اتحملة لكنة فقير
والله اني ساكنة ببيت زبالة اقول لة نقل فقط لكي يعاندني يقول لا
اذا طلبنا منة اي شئ من الخارج يضايق واذا قلت لة ابحث عن عمل اخر يرفض علما ان راتبة 1800 ريال
لازم يوميا يسم بدني بكلامة مثل الحنظل كلامة
والله يااختي عادي ممكن اتحمل فقط اذا كان وضعة المادي زين كنت اتحملة لكنة فقير
والله اني ساكنة ببيت زبالة اقول لة نقل فقط لكي يعاندني يقول لا
اذا طلبنا منة اي شئ من الخارج يضايق واذا قلت لة ابحث عن عمل اخر يرفض علما ان راتبة 1800 ريال
الصفحة الأخيرة