طبقت كوكيز لا تحزنين لكن .. !! تعالو خبروني شو غلطتي؟

السلام عليكم بنات ..

طبعا كلك تعرفون العضوة لا تحزنين ومواضيعها اللي تجنن :32:

كل ما تنزل موضوع أطبقه على طووول ... ويطلع روووعه والكل يحبه ،،

جربت الكوكيز اللي كانت حاطته كبديل لكوكيز امريكانا وطلع ادماااااااان ،، قمت كل اسبوع اسويه ههههه

بعدها علقت على البتيفووور ،، هش وخفيف ولذيييييييييذ جدا جدا ،، وبعد صرت كل اسبوع اسويه :32: ..

والحين زوجي طلب مني كوكيز بالزنجبيل وركض لموضوعها وطبقته لكن للأسف أول ما طلع من الفرن كان لين ،، وبعد دقائق صاااار قاسي مثل الصخر ما قدرنا ناكل منه ولا حتى قدرت اكسره بايدي ،، كأنه صخرة والله ..
ياريت خبيرات الكوكيز يعلمني شو المشكله ،،، لاني أبغي أرجع اطبقه اليوم ان شاء الله ،،

على فكرة التزمت بالمقادير بالظبط ،، هل ممكن تكون حرارة الفرن هي السبب ؟؟
ولا لأنه قعد فالفرن فترة طويلة ؟؟ تقريبا 40 دقيقة !! ،، لأنه فرني بسرعه يحرق الأشياء فقللت الحرارة !!

أيضا جربت أنواع ثانية من الكوكيز موجوده في كتاب مارثا ستيوارت ،، وكتاب منال ،، وكلهم نفس الشي ،، بعد خروجهم من الفرن بدقائق تصبح قاااااسية مثل الصخر !