طبيب أسنان .......................؟

السلااااااااااااااااااااااااااااااام بنااااااااااااااااااااااااااات

كيف أحوالكم من جد لكم وحشه
بنات صارت لي اليوم سالفه شي أبطالها :

أنا وكلي فخر
وشمه
والفارس الملثم محمد عمره 9

امس يا بنات الساعه 12 بليل قب علي ضرسي قام ولد الحلال يوجعني
صار كنه طلق قعت ابكي ساعتين تعرفون وجع الضرس حطت عليه مسمار اكل
ودارسين علبونه يخف شوى لين خف شوي
انزين اليوم الصبح رحت الطبيب انا وشمه والفارس الملثم رحنا لمستشفى الحفر
دخلنا الطبيب رحت عند كاتب الاسماء وكتب اسمي ودخلت ولا اشوف امت محمد
كلها بالمستشفى قعت انطر انا واللي معي قعت شوي ولا على غفله اسمع صراخ
وحده تقول تولد انا تخرعت قعت ارجف كان اقول حق شمه تصدقين والله صرت ما احس
بضرسي ما عاد يوجعني ( علشان ما ابين لها اني خايفه)
كان تقول : لا بدينا توك ماشفتي شي .
قلت : شنو بعد في شي ألعن من كذا .
قالت : أنطري شوي وتشفين .
قلت : شمه تكفين خلاص مابي ادخل تكفين احب راسك .
ولا نسمع الفلبينيه ( مدام شكه) يالا دور مال انتي
كان تقوم شمه هي والفارس الملثم يسحبوني كني بزر مغصوب على المدرسه وانا اقول
مابي خلاص .
انزين ولا خوي العزيز الفارس الملثم من الادب الزايد قعد يطق الباب ( تراه تربية شقحه )
بطل لنا الباب دكتور توه مبتدئ ولا ادينه كلها دم
قلت لشمه : اظاهر حنا غلطانين مو هذا العنوان حنا داشين مال ولاده .
كان تقول : لا لا هذا هو العنوان .
كان ندخل وانا قلبي " دقق دقق دقق دقق"
بغرفت الدكتور فيها ممرضه والدكتور ومعاهم دكتور صغير توه متدرب عاى ما اعتقد شكله
ورع مضيع امه باط كبدي
اول مادخلت كان اقول حق الدكتور : شوف علشان نبقي صرحيين منو اللي يبي يسوي
اسناني انت ولا هذا .
قال : لا أختي انا اللي أبي اسوي اسنانك هذا يساعدني بس.
قلت : إيه اشوه.
رحت على الكرسي وقعت كان يقول الدكتور يالله قطي نقابك
قلت : شنو لا اخوي ارفع لك بس اسناني .
قال : يعني انتي اعيونك طالعه وفمك شفته شبقي من وجهك ما شفته بعدين انا دكتور عادي
لاني انا اعالجك.
كان اقط نقابي انا مابي اقطه علشان ولد الحلال ما يتخرع من وجهي .
كان يقول شقحه انتي ليش ماتفرشين اسنانك
قت : لا افرشها بالعزايم بس
قال : شنو الفايده ما تسير بيضه .
ولا اقول دكتور لو سمعت طف الاضاءه على عيوني رحقتها .
كان يقول : انتي اول مره تدخلين طبيب اسنان شلون اشوف اسنانك من غير اضاءه .
قلت . جيب تريك احسن تراه ينفع .
قال : وربي اول مره تمر علي وحده كذه انتي صاحيه .
ولا اختي شمه تأشر تقول البنت فيها وشه شو
قال : انا داري شكلها مو طبعيه .
قلت : شوف مو على بونه دطتور تقعد تسب ترى وراي رياجيل .
هو سكت واحترم حاله لو انه مكمل كان قمت عليه
ولا يطلع يابنات ذيك الابره اللي تقول ابرة بقره
قلت : لحظه شنو هذا تراني لحالي مو معي جماعه تخزني ابره كذه .
قال : هذا بنج .
قلت : ادري بنج .
كان يغزني الابره تصدقون بنات صرت ما احس براطمي .
ولي فا قع مرارتي شغلتين ان ضرسي اللي يوجعني فوق وهو غاز الابره تحت وان
الدكتور اللي معه بس يظحك وانا ما احب احد يضحك وانا اتألم
بعدين يا بنات طلع ذيك الجلابه اللي تقول درنفيس ابوي الكبير
كان اتخرع وبطني طاح في .....................؟
بعدين قلت : دكتور شوي شوي انزين
قال : ولا يهمك بس هذا طلبك .
كان يدخل الجلابه ويضغط على ضرسي والله لا يوريكم الالم كان اتمسك بدينه
قلت : الله يرحم والديك تراه اسنان ادمي مو حيوان
قال : توني مابديت
وخليته ولا فجأه يشلع ضرسي عاد انا صحت ذيك الصيحه الي العن من اللي تولد أوله
ولا اقوم ووارم خدي وشكلي غلط
رجعت البيت قلت خلاص يبه اشتر لي معجون سجنل خاص فيني علشان ما أروح لطبيب الاسنان وتوبه اني اكل ككاو واجد وتوبه اروح لعند طبيب اسنان حتى لو شنو
لو اني ابي اموت
وخلاص كل دقيقه افرش سناني وما أهملها

ونصيحه هامه جدا :
الي يعورها ضرسها لا تروح عند طبيب الاسنان .
وتفرش اسنانها كل يوم .
والي ما عندها تروح الحين من تقرى الموضوع تشتري معجون وفرشاة علشان مايصيرلها
الي صارلي .

وجاوووووووووووو حااااااااااااااااااااو........................؟:42: