طبيعي بعد ولادتين قيصري

صباح الخير بدخل بالموضوع وبعتبره فضفضه واللي بتسب وتنتقد ارجوك وفري كلامك لنفسك واحترمي مشاعر الناس



جبت طفلي الاول قيصري ولما حملت المره الثانيه كان عندي ام بالطبيعي وحفيت مشي ومت وسويت كل شي يخطر ببالكم وكنت اقول انا محسنه الظن برب العالمين بيرزقني بالولاده الطبيعيه تصدقت استغفرت دعيت صليت انام واقوم يوميا وانا اقول بجيب طبيعي بجيب طبيعي لدرجة يوم ولادتي رحت المستشفى وانا اقول ان شاءالله طبيعي طبيعي باذن الله ربي قادر ربي قادر لكن الصدمهجبت قيصري صحيت من العمليات نفسيتي عدمممممممممممم مريت بمرحله بعد الولاده مايعلم فيها الا رب العالمين المجتمع اللي انا فيه جابوا لي الهم زياده ( هذي مقتطفات من الكلام الللي حولي ،، مسكينه الله يكون بعونها جابت قيصري ،، يووووه انتي تجيبيين قيصري،، يمه تخيلوا بغوا يولدوني قيصري ،، الحمدلله ولدت طبيعي بغت تولد قيصري اعوذ بااالله ووووووو )) حسسوني اني ناقصه واني مسكينه واني ماني طبيعيه مثل الحريم لما اسمع سوالفهم واكشنهم عن الطلق والدفع ياقطع قلبي اتمنى اني جربت هالشي اتمنى اني اصحى من الولاده وانا شايفه طفلي وحاسه بكل شي حولي استغفر الله صار عندي ردة فعل امشي واقول استغفرت ودعيت وتصدقت وربي مااستجاب لي يااني مذنبه وربي ماغفر لي ياان دعوتي مو مستجابه
ابليس صار يوسوس لي تكفون كيف اتصرف مع نفسي وضعف نفسي
الحين بدا موضوع اني اولد طبيعي للمره الثالثه يجي في بالي واقول ربي مايعجزه شي دخلت على حساب دكتور لقيته يقول جتني حاله نادره ولدت طبيعي بعد ٤ قيصريات اقول يمكن اصير من الحالات النادره وبعدين اخاف اعشم نفسي وانصدم ويصير فيني مثل المره الثانيه
ارفع يدي بقول يارب ارزقني بالطبيعي بعدين اقول اخاف مااجيب واتحطم نفسيا كيف اتقبل الوضع واحبه كيف اتقبل اني قيصري عادي حالي حال غيري
اعرف كلهم الم لكن مخاطره ومساوؤه مو مثل الطبيعي مهما كان
اللي جابت طبيعي بعد قيصريتين تقول لي تجربتها وكيف ووين
واللي تقدر تساعدني اتخطى المشكله واتقبلها والله لاادعي لها

ماادري يمكن تضحكون علي بس هالشي غصب عني
ويمكن كلامي مو مرتب لكن اكتب اللي دور فخاطري بدون ترتيب