بينك جيرل @bynk_gyrl_1
عضوة نشيطة
طرائف طلاب أولى ابتدائي
إذا المرء لا يرعاك إلا تكلفا فدعه ولا تكثر عليه التأسفا
طرائف طلاب أولى ابتدائي
الطفل الأول
طفل قعد يبكي في اليوم الثاني من الدراسه وسأله المدرس ليه تبكي ؟....قال
مالقيت فصلي ..
قال له المدرس انت في اي صف ياشاطر ؟ ...قال الطفل انا في صف ثاني
اخذه المدرس لفصل ثاني ودور اسمه ومالقاه فقال له اسمك ماهو في ثاني انت امس
وين كنت ؟
قال الطفل انا امس كنت في ' اولى ' بس اليوم اصير في ثاني ..!!!
' هذا على كيفه يحسب الدنيا فوضى '
============ =
الطفل الثاني
الثاني مسكين احتاج الحمام وراح له وبالصدفه مر احد المدرسين جنب الحمام
وتفاجأ ان فيه ملابس كامله مكومه خارج الحمام من ثوب وفنيله وسروال وجزمه وشراب
المسكين الطفل بعد ماخرج من الحمام قالو له ليه كذا ؟ ....قال انا كذا اروح
للحمام في بيتنا
============ =
الطفل الثالث
طفل داوم معاه ابوه اول يومين وفي اليوم الثالث قال له انا ابروح للعمل واذا
احتجت اي شي رح يم هالرجال واللي هو مدير المدرسه....
والمدير يلبس نظاره وله لحيه واللي تسمى سكسوكه وبعد ماراح الوالد بفتره قعد
الطفل يبكي وراحو به للمدير والمدير اتصل على الوالد واعطى التلفون للطفل يكلم
ابوه فسـأله ابوه انت من وين تكلم ؟....
قال الطفل انا اكلمك من عند الملك عبدالله..
============ =
الطفل الرابع
طفل آخر من المستجدين ذهب في وسط الدراسه لفصل اخوه وقال للاستاذ ممكن
اخوي....ضحك المدرس وقال ضروري ؟ قال الطفل ايه ضروري مره....
المدرس توقع انه محتاجه يوديه لدورة المياه فقال لاخوه اطلع معاه....ولما طلع
قال الطفل لاخوه تعال نبغاك تلعب معنا.
============ =
الطفلة الخامسة
وهذه ام تقول
بنتي في الحضانة.. أول يوم راحت.. انبسطت و كل شي تمام.,,لما رجعت قالت لي..يا
ماما انت فشلتيني!!حاطتلي فطور يكفيني انا بلحالي ترا حنا بالفصل واجدين ..
و الساندويتش ما كفانا كلنا و لا بقى لي شي!!!(أثرها توزع على الدنيا.. تحسب
الفطور قطة!!!!)
و نفس اليوم قبل ما تنام قالت لي: ياماما اذا جيتي تقوميني الصباح و لا طعت أقوم لا تقوميني..معناه ان بطني بيعورني وماني رايحة المدرسة!!!!!!
3
679
يلزم عليك تسجيل الدخول أولًا لكتابة تعليق.
ام سدوس
•
ههههههههههههههههههاي يجنون صف اول قمة البراءه
الصفحة الأخيرة