طرزت مفرش لسلة الخبز ..اعادة

أحبتي في الله
طرزت مفرش للخبز ...يا رب يعجبكم







وهذا المفرش الأصلي



اشتغلته بخيط الكتون برليه مصر البيضا
والغرز المستخدمة كانت الفستون علي الحروف
العقدة (وصورتها موضحة مع المفرش الأصلي ) وهي غرزة سهلة مع التمرين وتعطي نتيجة حلوة
مع الفرع وغرزة الساتان
والحقيقة دة كان من الحاجات المتخزنة من زمان كنت بتعلم فيه الشغل (لوحدي طبعا قبل ما أدخل المنتدي العامر )وقلت أحن عليه وأخلصه ... بس النظر وقتها كان أحسن يا بنات وكان الحماس !!!!
المهم فيه أخطاء حبيت أنبهكم عليها علشان ما تقعوش فيها
أي تطريز علي القماش لازم تكوي طبقة خفيفة من القماش اللي يسمي فازلين ويكون رقيق مش سميك علشان يعطي متانة للشغل خصوصا في حالة استخدام غرزة الفستون لأنها عند القص ممكن تنسل
عند القص يجب استخدام مقص من نوع جيد صغير ومنحني أفضل ونقص بحذر حتي لا نقص الغرزة ويضيع تعبنا
اللي غايظني ان التصوير مش حلو ومش عارفة أعمل ايه علشان يطلع مظبوط وواضح
أرجو أنه يعجبكم ...

آه ...نسيت أقول انه يفضل استخدام خيوط مالونيه DMC للتطريز ...نتايجها أفضل كتييييير من الكتونبرليه


أستودعكم الله