أختي أسمحيلي أنا لا أتفق معك أبد أن تصفين كل اللي ماحصل لها أن تتوظف في قطاع خاص أو تعاقد بأنها مريحة نفسها و تصفين اللي قدرت بشعلة النشاط
طيب اللي ماحصلها على العمل في القطاع الخاص أو التعاقد وش ذنبها ...أنا عاطلة أكثر من عشر سنوات بذلت مابوسعي جاهدة على الحصول على وظيفية في المدارس الاهلية و التعاقد وماحصلي وأنتي يمكن أعلم بما يحصل من واسطات فيها أو تكون في مدن كبيرة مثل الرياض يكون فيه ضغط كبير مو كل الخريجات يسنح لهم الفرصة للحصول على خبرة
أنا أشوف كثير أنتشرت كلمة اللي مريحة نفسها دون مراعاة لشعور هذة الفئة وللا اللي بتدرس و تكرف أربع سنين ماراح يعيقها شي اذا أعطيت الفرصة
أنا حاصلة على دورات تعطيني نقاط لو أحتسبت لكن و الله أني فرحت كثير بتطبيق هذه الطريقة لأن فيه غيري لاتملك القدرة المادية على أخذ دورات لزيادة نقاطها ولم أصفهم باللي مريحين أنفسهم

لا إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..

الله كريم

استغفرالله وأتوب اليه

احب اعلق على موضوع الخبرات والدورات
اخواتي الي تايدون احتساب الدورات والخبرات احب اقول لكم اني اكثر انسانه عانت من هالموضوع انا اخواتي عاطله 10 سنوات وحالتي الماديه لايعلم فيها الاالذي خلقني فالشكوى لغير الله مذله احب اقول لكم اني كنت ابحث عن وضيفه من اليوم الاول الي اخذت فيه الوثيقه صرت ابحث وابحث ماخليث مدرسه مارحت لها في منطقتي ماخليت صاحبة مدرسه اهليه ماتوسلت لها وطلبتها وشرحت لها ضروفي الصعبه وكان الرد ماعندنا واذا والله وحده كان قلبها فيه شوية رحمه قالت اتركي ملفك وعلى هالحال المزري
اما مكاتب الاشراف ؟؟فاذا لقيت احد يوديني رحت لهم اترجاهم عقد لو باخر الدنيا اتفاجا بهم يصدوننا وينكرون عقد محو الاميه وعقد البديلات جملة وتفصيلا ونتفاجا بزميلات لنا تعاقدو وموضفات بمكاتب الاشراف ونفس تخصصي دفعات جت بعدي اتفاجا انهم متعاقدات ؟؟اتذكر اني مره رحت قفلت بوجهي خلاص واشتدت ضروفي الصعبه علي قلت خليني اجرب هذي المره ,دخلت على مديرة مكتب الاشراف ناظرت فيني سالتني اش تبغي خير ؟قلت فيه عقود تراماعندي مانع لو اروح علقان او بدا طبعا هذي قرى بعيده عندنا في منطقتنا والي من سكان المنطقه رح تعرف انا منين .المهم ازدرت مديرة مكتب الاشراف شكلي وملابسي طالعت فيني من فوق لتحت وقاااااااااااااااااااااااااالت ماعندنا عقود من قال لكم فيه عقود حسبي الله عليها وعلى موضفاتها ذاك الحين حسبي الله عليهن ونعم الوكيل الى يوم يبعثون
تحطمت وطلعت وعيوني اقسم بالله اعمتها الدموع والله يابنات انه نظراتهن كوم واسلوبهن مع الوحدة كوم والعطاله والحاجه كوم ثاني ,طلعت لزوجي وقلت له مافيه كالعادة كتمت دموعي وحسرتي وركبت السياره ورحت لبيتي الي ماعتقد بها لزمن احد يعيش في بيت مثله .
جت وضايف الديوان وفتح طبعا التقديم عن طريق فرع الوزاره ايام الملف العلاقي الاخضر وايام الزحمه وتعبية الاستمارات زاحمنا وتوطينا بعض كالعاده طلبو تعبية خانة الدورات والخبرات الي عندك وكان عليها عدد نقاط اكثر اما الاقدميه فكل 4 سنوات نقطتين اذا ماتخونني الذاكره ؟؟؟؟المهم ان نقاط الاقدميه كانت قليله بعكس الدورات والخبرات .
طلعت الاسماء ماكان اسمي معاهم رحت للموضفه اسالها كم باقي عن دوري كانو يقولون ذاك الوقت كم وحده قدامك المهم كانت الصاعقة قدامك 200 وحده وارفقت ردها لي بنصيحه على الماشي يعني كرفع معنويه وقالت لي حسني من مستواك خذي خبرات وخذي دورات حاسب الي عشان ترتفع نقاطك ؟طالعت كذا فيها وقلت جزاك الله خير ماقصرتي .
طلعت وانا ابكي والله يابنات اني صابتني حالة حزن وصمت من القهر منين اجيب خبره منين ؟؟؟ياربي ارحمني منين اجيب حق دورات الحاسب انا يالله بالله اقدر القى الي اشتري لي فيه اغراضي منين ترجي وترجيت حالي وشكيت اش اسوي انسى خلاص ماعاد احلم بوضيفه كل البنات الي حولي لهم واسطات وهذا باعترافهم هم توضفو والحين تثبتو والي وضفوها الديوان لان عندها خبره .
والحين الحمد لله تغيرت المعادله القديمه الظالمه واتفاجا انه فيه ناس تقول والله ظلم بالله مافكرتي بالناس الي ماقدرت تحصل على خبره او دورات انتي على الاقل استفدتي مصدر مادي تصرفين علىنفسك وماقعدتي عاطله محطمه مكسوره من ظلم هالبشر وظلم الواسطات والقلوب القاسيه الي ماترحم .
طولت عليكم لكن اعذروني فالقلب مجروح وفيه حسره عمرها 10 سنوات .
ابيكم تدعون لي بالوضيفه والتوفيق وان يبدل الله حالي باحسن وجزاكم الله خير .