طريقة الحريم في غرف الاكل في الاعراس وغيرها

صباح الخير
بعض الحريم عليهم حركات مدري ايش اقول هل شفاحه او مدري وش اسميها سواء في بوفيهات الاعراس، أو حتى في عشاء بسيط زياره عند. احد او عزيمه أين كانت وهي انها تغرف وتملي صحنها اي تحط في صحنها اكل كثييير ومن ثم تاكل منه شوي ويجلس ثلاث ارباعه وايضا الي تتلقف وتحط لك في صحنك اكل ما تبغينه باعتبارها سنعه زي مره كنا انا وامي في زواج وجالسين ناكل جت وحده بتجلس معنا توها عارفه وقالت لي يوه اكلك شوي خذي مني هذا وتأخذ وتحط لي وانا اقول ما ابي شكرا وهي مصره وانا ما احب ها الاكل الي حطت بصحتي يعني وين بيكون مصيره اكيد اخليه بصحتي بسبت لقافتها وكمان مره رحنا لعزيمه وحاطين بوفيه جميل كثر الله خيرهم بس بسرعه خلص الاكل وأهل العزيمه تفشلو قالو فشله شكل الاكل قليل قلت لا بالعكس كثر الله خيركم بس شوفو الطاولات يوم قامو الناس وكل وحده ممليه صحنها ومخليته ولا احيانا تجلس بجنبك وحده غثيثه الا بتقطع لك لحم الا بتحط لك سلطه الا تحط لك رز زياده على صحنك طيب خلاص معدتي ماراح تتحمل يعني قدامي حلين أحلاهم مر ياني اغصب نفسي على اكل الي حطت لي الادميه او اخليه بصحني وحرام الاكل يروح كذا