طريقة القهوه الصح

انا زيك عيوني جاني عين من جارتي **** يهديها قسم ب**** ماكذب عليك كانت قهوتي يشم ريحتها من اخر الشارع وطعمها خيال بس الحين ماتنشرب وطريقة قهوتي هي حطي لتر موية في براد القهوة وحطيها على النار تغلىوحطي عليها كم حبة قرنفل وشوية نخوة وزنجبيل مطحون واتركيها تغلي وبعدين حطي عية بن عادي حوالي اربع ملاعق واتركيها تغلي ربع ساعة وبعدين اشخليها في ترمس القهوة وحطي عليهاشوية زعفران وهيل وصحتين وعافية

انا بقول لج طريقة سهلة وان شاء الله تضبط معاج
تصبين الماي في دلة القهوة وبعدين منه على الابريق اللي بتطبخين في القهوة
تحطين ملعقتين طعام بلاستيك أو ثلاث إذا تحبينها غليظة
تنثرين فوقه زعفران
تخلينها تطبخ وبعدين تحطين عليها نقطتين بالعدد حليب أبو قوس (يمكن الإستغناء عنه) فيه ناس مايحبونها بالحليب
وتخلينها تطبخ 3 أو 4 دقايق
بعدها تكونين حاطة ملعقتين صغار من الهيل في الدلة وتصبين فوقها القهوة
وبالهنا والشفا..

هذه الطريقة للاخت فارسيه عربيه رائعه جدا
http://forum.hawaaworld.com/showthread.php?t=1626723

مشكوورين حبيباتي انا ابغى الطريقه سهله وحبه حبه بصراحه تعقد من هالقهوه

حبيبتي قهوتك تعتمد اساساً على حمستها فا تأكدي ان حمستها كويسه قبل ,,

بعطيك طريقتين وكلهم حلوهات ودايم اسويهم ,,

جيبي الابريق اللي تسوين فيه القهوه وعبي ثلثينه مويه دافيه او حاره وحطي عليه ثلثين الفنجال قهوه واذا تحبين المسمار (القرنفل) حطي 3 حبات يعطي نكهه تجنن ورشة زعفران وكل ماكثرتي كل ماصار لونها على صفار
اتركيها على نار متوسطه مو مره مرتفعه خليها تطبخ 10 دقايق على الاقل بعدين تكونين مجهزه بالترمس اللي بتقدمينها فيه تحطين فيه ملعقة حلى هيل
اول ماتخلص قهوتك طبخ اتركيها على جنب دقيقه تخدر وبعدها صبيها بالترمس على الهيل وخليها شوي قبل ماتقدمينها حتى يمدي الهيل يمتزج طعمه مع القهوه
* انك تحطين الهيل لحاله بدون طبخ يعطي طعم اقوووى من انك تطبخينه مع القهوه ,,
* ممكن والقهوه تطبخ تضيفين رشة coffee mate يعطيها لون مره حلو ,,
* بعد ماتطبخ بخمس دقايق صبي شوي من قهوتك بفنجال وجربيها اذا كانت مره خفيفه زيديها قهوه واذا مره ثقيله زيديها شوي مويه مغليه


الطريقه الثانيه مره حلوه وتواجه ,,

نفس كمية المويه تسخنينها قبل ماتضيفين لها القهوه خمس دقايق تقريبا
بعدها تحطين القهوه بنفس الكميه الاولى وتتركينها تطبخ عالنار ربع ساعه الى 20 دقيقه
بعدها تجهزين دله وتحطين فيه الزفران (فتتيه حتى يعطي نتيجه احسن) والهيل وصبي عليهم قهوتك وحطيهم عالنار بس الى ماتفور القهوه ويقلب الهيل مره وحده بس مايطول ابد بعدها اذا جابه قدميها بالدله نفسها او بالترمس ,,
* الطريقه هذي تعطي قهوتك ريحة هيل رووووووعه تشمينها من بعيد


ان شالله تكون الطرق واضخه واذا في شي مو واضح انا بالخدمه ,,