تسلم ايدينك واحاول اني اجربها وهيه تشبه للمعصوب كثيييير بس المعصوب نعمل العجينه على النار

أنتبهي اختي هزو الحلبه ماتصلح للحامل لانها تفتح الرحم أما الحمر لازم معها وإذا ودك سوي الحمر نقعيها في مويه البكت كامل وسوي تكشينه وصبي الحمر وبهري عادي وحطي فلفل حار وملح وجربي هالطبخه ترى ماجربتها وبما أن نفسك فيه جربي

أما طريقة اللحوح تاخذي خبز عادي تقريبا 2 او 3 حبات وحطي عليها مويه واعجنيها وحطي عليها كاس دقيق وكاسين طحين ماادري إيش تسموه هو حب نغسله ونطحنه عند الطحان وفي الخلاط الكاس حطي ثوم يعني 6او 7 فصوص ونصف بصله وفلفل رومي أحمر حن نغسله ونيبسه ونحط منه وبهارات وكمون وملح وشوي مويه ونخلطه ونصبه على الدقيق وحطي خميره فوريه واضربيه بمظرب الحليب اليدوي ويصير شبه سايل لا ثقيل مره ولا خفيف وغطي عليه وحطيه في مكان دافي حتى يتخمر ويصير عليه فقاعات كثيره صبي عليه مقدار كاس شاي زيت وحركيه وحمي طاوه تكون جديده مش ممحصه وحطي مقدار ملعقه غرف من اللحوح في الطاوه وامسكي الطاوة وحركيها حتى تتغطى كامله وغطيها وماتاخذ غير ثواني وافتحي الغطاء وامسكي اللحوحه بطرف يدك واقلبيها وبسرعه طلعيها في صحن ثاني وكملي بنفس الطريقه والباقي احفظيه في الثلاجه و اذا ودك تسوي طلعيه من الثلاجه وسوي واذا حسيتي انه حامض زيدي شوية دقيق واظربيه واذا ودك تعجني من جديد بقي شوي من الخليط واعجني بنفس الطريقه ملاحظه مهمه أن الطحين أكثر من الدقيق يعني مقدار دقيق ومقدارين طحين وبالعافيه عندك استفسار ثاني انا موجودة الله يسهل أمرك وترجعي الى ارض الوطن سالمه ها اش رايك اذا رجعتي السعوديه اسوي لك عشاء جيزاني على كيفك

أختي هزو جربتي اللحوح واللحمر انا منتظره ردك

نفس المعصوب بس احنا نزيد عليها تمر تطلع يمييي