طريقة المكرونه اللذيذه -- ياطباخات تعالو

رفع

المكرونة لها اكثر من طريقة وفي طريقة انا احبها هي بالدجاج وتطبخيها على طريقة الكبسة وفقدر الضغط بس خففي الموية واضغطي شويه وافتحي عشان لا تحترق وفيه مكرونة بالباشميل ومكرونة بيتزا وغيرها

كشني بصل وبعدين حطي طماطم مفروم مع كزبرة وثوم وحطيه على البصل وحطي صلصلة وكثري شوي وحطي
الدجاج او اللحمة وملحي وبهري ووطي النار الين تتماسك الكنشة

والمكرونه اطبخيها في قدر لحالها اولا فوري المويه وبعدين حطي المكرونه والملح وشوي زيت
عشان ما تتلصق
وبعد ماتستوي انشليها وبعدين اذا استوت الكشنه والدجاج او اللحمه حطي المكرونه وقلبيها وغطيها وخليها على نار هادئة شوي وقفلي عليها

وبالعافيه يارب تضبط معاك بس اهم شئ تضبطي الكشنة

انا السباجيتي اصلحبه كلش ممكن مع صوص طماطم ومعجون طماطم


وممكن مع تسبيكه تونه وممكن باشميل ماعليك من نوع المكرونه اهم شي سبكي صوصها

جربي هالطريقه رووعه
اسلقي مكرونه وقودي افضل نوع مع ملعقتين زيت وملح
وفي قدر حطي زيت وقطعي بصله واقليها وحطي صدور دجاج مقطع مكعبات عليه لين يتسبك وحطي فلفل رومي وبهارات مشكله وفطر مقطع نص علبه اوعلبه صفيره وملح
ونرجع للمكرونه اذا استوت صفيها من المويه وحطي عليها الخلطه السابقه وحركي ثم حطي علبه اوعلبه ونص قشطه عاديه وحركي وخليها حوالي خمس دقايق بس خليها اشوي قبل التقديم حوالي سبع دقايق تطلع احلى وعليك بالعافيه وزينيها لوبغيتي ببقدزنس
او هالطريقه مكرونه البيتزا
اسلقي المكرونه واذا استوت حطي علبه قشطه وثلاث ملاعق جبن سايل وملعقتين مايونيز وحطيها بصينيه
حطي فوقها كشنه عاديه بصل اقليه وحطي طماطم مطحونه وفلفل رومي وبهاراتك وبعدها حطي جبن مبشوره اي نوع وزيتون شرايح
وفي الفرن لاتطول لان كل شي مستوي اذا حسيتسي انها تحمرت اشوي طفي خليه اشوي تبرد وعليك بالعافيه
دعواتــــــــــــك