مشكورات كل الي ردو
ام عزيزان طالبتك يالغلا لاتتاخرين علينا .ننتظرك على احر من الجمممر

ممكن تنزلون صور لهذي التسريحه؟؟؟

حبيبتي هذه طريقة الويفي

وحده من البنات جزاها الله خير منزلته بس والله ماذكر اسمها وانا حافظته على الجهاز

مدى تعقيد عمل الويفي : عادي مب معقد

ياخذ من 10 الى 15 دقيقه

اول شي ترشين الشعر المغسول بسبراي مكثف للشعر volumizing

2-اذا شعرج مب سيده او ناعم حطي على شعرج كريمات تخلي الشعر سيده (تملسه بس مب تمليس كيميائي وايد من هالكريمات في الجمعيه مثل لوريال وترطب الشعر بعد)

3- سشوري شعرج ولازم يكون الشعر ناشف تماما يوم تبدين شغل الويفز

4-بعد ماتخلصين سشوار ركزي الهوا البارد من السشوار على جذور الشعر (يكثف الشعر)

5- تاخذين الفير اللي عرضه انش واحد وتلفين عليه خصل الشعر ماتتعدى الانش بعد ،،،، تلففين بعض خصلات الشعر باتجاهات مختلفه

6- بعد ماتخلصين لف الخصلات لفي الخصلات مره ثانيه بشباصه على الشعر

7- يوم بيبرد الشعر هدي الخصلات

8- عقب ييبي السشوار وخوزي عنه القطعه البلاستيك اللي فيه عشان لما تفتحين الهواء البارد مايكون مركز المهم وجهي السشوار لشعرج عشان يعطيه الشكل المموج الغير مرتب وممكن تفكين خصلات الشعر عن بعض باصابعج

9- رشي على شعرج سبراي ملمع عشان اللمعه

10- لا ترشين وايد سبراي (صراحه السبراي الوايد يعطي الشعر شكل خشبي او لمعه مصطنعه وايد ويخلي الشعر متيبس - هذي اضافتي انا)

وهذي مداخلة :
الغالية سيري المحلات اللي يبيعون فيها أدوات الصالون من أجهزة وكريمات وسبراي غيره (محلات تجهز الصالونات)
وأطلبي منهم الفير السوري ولا تاخذين الإيطالي (لأنه الإيطالي حرارته بسيطة عكس الفير السوري)
هذي عن تجربة أنا اشتريت واحد من كم شهر والله روعة الشغل عليه
بس حاسبي عمرج وانتي تشتغلين عليه لأنه يحرق اليد

وهذي مداخلة أخرى :
للبنات اللي يبن ويف فيه بكارفووور جهاز للويف وسعره بس 100 درهم انا شريته بس شو رهييب يخلي شعرج ويفي مده طويله و على حسب لف الشعر فالجهاز يطلع الشكل و هو يشتغل بالكهربا و يسخن وتستخدميه ثواني عالشعر واتبطليه وجوفي كيف شعرج بيطلع


ودعواتكم لي بالذريه الصالحه :26:

مشكوره .هالطريقه حلوة للي يبون الفير .انا ماحبه صراحه

فيه جل وحده مااذكرها مدحته من بودي شوب اعتقد ان كان مانسيت انه بالشاي الاخضر ماييبس الشعر
ماجربته لكن هي مدحته وقررت اشتريه لكن مدري متى