نعبد الله ونطيعه ونؤدي ماأوجب علينا ليس تفضلا منا ولا ليعطينا من هذه الدنيا الفانية ..
بل نعمل لأنه خالقنا ومستحق للعبادة وهو الغني عنا وعن طاعاتنا ..

يمكن قلبها نظيف ونيتها صافية...


زي الصحابي اللي باتوا عنده عشان يعرفون وش يسوي وبالأخير طلع ينام وما في بقلبه غل علي مسلم

حبيبتي ومن قال لك ان السعادة بالدنيا مقياس على حب الله لعباده الله سبحانه وتعالى اذا أحب عبده ابتلاه ليختبر قوة ايمانه ومدى صبره ورضاه بالقضاء والقدر يعني هالكفار اللي تشوفينهم الله منعم عليهم بطبيعة خلابه ببلادهم وجمال اخاذ بنسائهم وكثير منهم احوالهم المادية ممتازة وتشوفينهم الحين مسيطرين على العالم بالتكنولوجيا والتقدم والتطور العلمي وفارضين سيطرتهم والكل يحسب لهم الف حساب هل هذا الشئ يدل على انهم افضل منا ؟؟ هل هذا الشئ يدل على ان الله يحبهم ؟؟
لا والله ياحبيبتي لكن سبحانه وتعالى عنده حكمة في كل شئ لايعلمها احد سواه سبحانه وانا ماقول ان صديقتك هذي الله مايحبها لا حاشا لله أن ندعي علم الغيب ويمكن هاللي تشوفين صلاتها كذا افضل منا جميعا عند الله ...أنا اصحح تفكيرك فقط واحاول ابين لك ان الدنيا ليست دائما مقياس ينقاس عليها فلله سبحانه وتعالى تدابير وحكم نعجز نحن البشر الضعفاء عن تقديرها او حتى مجرد التفكير فيها ..

وانا اموووت قهر اذا شفت الي متدينه وحافظه القران وتلقينها ظالمه ومتسلطه وحقوده وماتخاف

الله في خلقه ويجيني نفس تفكيرك ..

لكن اقتنعت بعد هذا ان الاعمال با النيات متى كان العمل خالص لوجه الله دون رياء او سمعه متى

ماكنت الوحده منا تتقي الله في نفسها ومن حولها وتعمل الخير لوجه الله وبنيه صافيه ولاتنوي الشر

لمخلوق ان شاء الله ان الله بيوفقها ويعطيها على قد نيتها ..وديننا الحمدالله اكثر مايحث عليه ويحرص

حسن الخلق (الدين المعامله )..

ماقصرو البنات

بس انا مدري وش العلاقه يعني ؟؟

الحين هي ع الاقل مسلمه بس عندها ذنوب من منا خالي من الذنوب ؟؟!!

فيه الكفار الي عايشين بنعمه ودلع وهم مايركعونها اصلا ً

فايالغاليه لا يغرك الظاهر ماتدرين وش نفسيتها صايره لان الي مايخشع بصلاته مايحس بطمئنينه والراحه النفسيه واصلا الخشوع بوقت الصلاه شرط من شروطها

فالله اعلم بالخافي انتي ماعشتي ببيت اهلها وعرفتي اسرار البيوت ولا تدرين مع زوجها كيف علاقتهم الخاصه

يعني الزبده لا يغرك الظاهر ابدا ً

وربي يهدي الجميع ويطمئن قلوبنا بذكره