طريقة تقشير البشره بالرتن aللموسوسه مين تساعدني

حبيبتي انا استخدم رتن ايه بطريقه علمنيها الدكتوووووووووور ونفعتني وهي كالتالي

قبل ماتنامين: تحطين بيدك مقدار من الرتين ايه ومقدار من كريم مبيض مامنه خطر اسمه الدو باك فورتي واخلطيهم وهم براحة يدك لااتخلطينهم في علبه بس وقت ماتستخدميهاااااااااا وبعد مدة شوفي النتايج تهبلللللللللللل

بس لازم تحطي الصباح واقي شمس وراح تلاحظي وجهك بعد فتره بيقشر ولا تستخدمي مكيااااااااااج

مع تحيات

البدويه المزيونه

هلا حبيبتي البدويه والف شكر
لك نفس الطريقه الي استخدمها بس لي اسبوع وماقشر وجهي انتي كذا

ياريت تردي علي وكيف صار وجهك بعده وكم المده الي استخدمتي فيها الرتن ايه

وش هو الرتن افيدوناااااااااا

اختي وسن انا طولت ومابان التقشير فيه وحتى يوم بان شيء بسيط صديقتي بدت معي ووجهها قشررررر اكثر مني بس دوامي عليه 3 شهور فقط واقطعيه

مع تحياااااااات
البدويه المقشره

هلا حبيبتي أنا اكثر وحدة استخدمت هالكريم، وراح اشرح لك الطريقة بالكامل:

شوفي حبيبتي كريم رتن اي العلاج يبيه له وقت لانه مقشر خفيف بس لازم تستخدميه ثلاثة شهور ومايحتاج تخلطينه مع كريم ثاني استخدمي رتن اي الي نسبته 5% بالمئة لأنه اخف واضمن للبشرة لانه فيه نسب مختلفة لهالكريم،
المهم حبيبتي شوفي اول شيء لازم تنظفين بشرتج بالغسول او الصابونة الي تستخدمينها وانا انصحج تستخدمي غسول خفيف مو قوي يعني مايكون مثل نيتروجينا لانه قوي على التقشير، زين بعد ماتغسلينها حطي الكريم وزوعيه على بشرتج بس حاسبي منطقة العين لا تقريبين منها ، زين ولازم لين حطيتين هالكريم يكون بالليل تدرين ليش لان الشمس مع هالكريم بيطع وجهج فحمة وماينفع كريم مقشر مع شمس يعني استخدميه بالليل وعلى طول اول ماتحطينه طفي النور وكل إضاءة في الغرفة وناااااااااااااااااامي نوم العوافي، لان اي اضاءة ووجهك في الكريم يؤثر عليه ويسمره، المهم حبيبتي الصبح اول ماتصحين اغسلي وجهك بالماي والصابون، عشان تغسلين الكريم عدل ولازم تحطين في بالج إن انتين إذا بتطلعين برة بيتكم لازم تستخدمين واقي شمس مايقل عن درجة 60% عشان تكون الحماية قوية وياليت ماتطلعين وايد في الشمس بس للضرورة يعن يمة تكثيرين،
اول ثلاثة ايام ماراح تلاحظين تقشير وايد اسبوع مرحلة التقشير، على فكرة إذا كان حق علاج الحبوب استخدميه ثلاثة اشهر أو ستة اشهر بس هي المدة المفروضة أما اذا كنتي ناوية تقشرين بشرتج أستخدميه اسبوعين ولازم تحطين في بالج بشرتج إذا لاحظتين بعدثلاثة ايام او اكثر إن بشرتج بدأت تحرقج وصارت حمرة وكأنها متهيجة وقفي الكريم يوم اي يومين وحطي فازلين عليها عشان يبرد على البشرة ويخفف من التهيج ليش الفازلين لان الفازلين يعمل على إزالة القشور يخفف من احمرار البشرة ولازم تستخدمين الأصلي مكتوب عليه فازلين اصلي بدون ريحة أو لون، زين حبيبتي بعد ماتخف بشرتج من الاحمرا او الحرقان واصلي بعد ثلاثة ايام يعني خليها راحة ثلاثة ايام واستخدميه بعدين عادي واصلي عليه واذا حسيتي بشرتج كل مرة تصير لك أحمرار بشدة فحطي في بالج بأن بشرتج وصلت إلى مرحلة التقشير يعني الجلد الي فوق الميت خلاص راح وهذا الاحمرار ترى يعني مفعول الكريم اوكي لان البشرة الي فوق جديدة اوكي حبيبتي هاي طريقة الأستخدام وإذا مافهمتي شيء أسأليني ترى كريم رتن حلوووووووووووووو وايد حلو وأنا استخدمه للتقشير لان دكتور خبرني بأنه مافي منه وعلى فكرة هو مافيه كرتيزون ولا شيء لأن صديقة امي طبيبة وخبرتني بهذا وهي الي وصفته حقي. جااااااااااااااااااو عمري.