طريقة حشوة لحم للسمبوسه

تجيبي اللحم المفروم وتفرمي بصل كثير بشرط يكون ناعم وحطيله بهارات وملح وشوحيهم على النار بدون دهن او ماء الى ان يستوي اطفي النار وتكوني فارمه كزبرة وبقدونس وشبت زي فرم التبوله وممكن كراث واخلطيه مع اللحم المستوي وابدي احشي فيه وسلامتك
وبالعافيه على قلبك

انا بعطيج حشوتج وان شاء الله تعجبج بصراحه هي حشوه مامي الله يخليها لي دايم مشهوره فيها ومعتمده عليها وطبعا بما اني صرت ادخل المطبخ بدل مامي وصرت اطبق نفس اللي كانت مامي تسويه بالضبط وصرت مثل مامي واحسن
الحشوة :
2ــ حزمه كراث
3 ــ بصلات متوسطه
3 ــ طماطم متوسطه
1 ــ فلفل رومي كبير
واخيرا تحطي عليهم اللحم المفروم طبعا يكون كله ني لا تحمسي شي
قطعي الكراث قطع صغيره وحطيه بقدر التيفال ثم افرمي البصل بفرامه البصل وحطيه فوق الكراث ثم افرمي الطماطم وكذالك الفلفل واللحم طبعا اكيد راح يكون طبيعي مفروم على طول حطيه فوقهم طبعا الحين بيصير كل شي في القدر تحطي عليهم ملح وبهارات وثوم مطحون وشوي صفار طبخ <<على ما اضن اسمه صبغه طبخ يكون لونه برتقالي حطي شوي بس لانه راح يصفر باللحم
وحركيهم بملعقه خشبيه ولعي عليهم النار وراح ينضج وان شاء الله يعجبج
واخر شي بعد ما تخلصي يكون نضج طلعي كزبره وافرميها فرم ناعم واخلطيها عليه وبس
بالهناء والعافيه مقدما ان شاء الله يعجبج واي سوال انا حاضره

لحم معصج + كرات أو بصل أخضر بالورق الأخضر(3 أضعاف اللحم) + كركم أو كاري رشه خفيفه <<< من أفضل الحشوات اللي جربتها

اب

اللي اعرفه انك تحمسي البصل المقطع قطع صغيرة حمس مره زين ثم تحطي اللحمة وتحمسينها عليه زين وبعدين تملحي وتبهري
شوفي يقولون اذا وضع رشة ملح والبصل يحمس فهذا يسرع بنضج البصل
وقالوا كمان ان اللحمة مايحط عليها بهارات كثيرة يعني ملح وفلفل اسود وشوي هيل وكمون
بس عاد انتي جربي وقولي لي