إشحالكن خواتي
بعطيكم طريقة وايد حلوة لورق العنب والله اجنن
ربيعتي عطتني إياها يزاها الله خير
مقادير الخلطة :
كاسين رز مصري +2 ملعقة طبخ كبيرة دبس الرمان+ نص ملعقة قهوة تركية ( اللي تبغي أو نسكافيه )+خمس حبات بصل +2 ملعقة طبخ كبيرة زيت زيتون +علبة صلصلة كاملة +كزبرة+بقدونس+ ليمونتين صغار+ملح+بهارات+كاس ماي
الطريقة
اول شي طبعا تنقعين الرز قبل عمل الخلطة بساعه او اكثر
تقصين البصل لقطع صغيرة أو تفرمينه أحسن
تحطينه على النار مع زيت الزيتون
لما تحسين إنه البصل بدا يحمر ويذوب شوي حطي عليه
المقادير التالية : الرز+علبة الصلصة+ دبس الرمان+القهوة+البهارات+الملح على حسب طبعا + كاس الماي
إذا نشف الماي والرز يحتاج للنضج أكثر ممكن تزيدين كمية بسيطة من الماي
لما بتلاحظين إنه الخلطة بدت تنضج والرز استوى شوي والماي بدا ينشف بقى منه شوي بندى الجولة ( البوتيجاز ماعرف شو تسمونه )
قطعي الكزبرة + البقدونس أو افرميهم وحطيهم على الخلطة مع الليمونتين واخلطيهم عدل
الطعم يم يم
صراحه انا اللي يزيد من الخلطة آكله من كثر ماهو لذيذ
انا عن نفسي افور ورق العنب شوي على النار عشان الأوراق تلين
لكن مادري شو النوع اللي تستخدمونه اذا كان يحتاج ولا لا
المهم
بعدين طبعا تقطعين البطاطس دواير متينة شوي وتحطينها في قاع الجدر اللي بتصفين فيه ورق العنب
وتلفين ورق العنب
بعد ماتنتهين
تحطين عليه شي ثقيل يمكك راس الجدر عشان يتم ورق العنب متماسك
بعد نص ساعه ضيفي كاس ليمون على ورق العنب
وخليه ساعه بعد وان شاء الله بيكون ورق العنب أحلى ورق عنب طبختيه في حياتج
واسمحولي اذا شرحي مب واضح
اي استفسار نحن في الخدمة
أختكم
ام همام
تسلم ايدك :27: