طريقة صبغ الحواجب بطريقه احترافيه

السلام عليكم ورحمة الله وبركاته

موضوعي هذا بصراحه كان رد لموضوع ناسيه والله اسم كاتبته تبي احد يعلمها طريقة صبغ الحواجب بطريقه المحترفين

بس الظاهر انه قديم شوي عشان كذا مالقيت احد معطي المشاركه اهتمام

فقلت انزلها كموضوع افيد فيه اللي تبي تتعلم طريقة صبغ الحواجب بطريقه ولا اروع

اولا يااخواتي الكريمات نجيب الادوات المطلوبه اللي هي

1-صبغة حواجب بني اسود بيجين
2-الدوج اللي نعرفه الطاؤوس
3-قوالب حواجب تلقينها عند محلات ابو ريالين وخمسه ^_* هذي اللي تسهل كل العمليه
4-بودرة الميش الزرقا لانها خاصه بالحواجب وشعر الوجه مع اوكسجين 6%
طبعا مشط الحواجب المعروف واعواد الاسنان واعواد الاذان اذا بدك وتقدرين بكل شغلك تستخدمين عود الاسنان

طريقة العمل
اولا تدهني حواجبك بشوي فازلين عشان تحميها من الحرقان الناتج عن العمليات الاتيه بعدين تختاررين الرسمه اللي تناسبك من قوالب الحواجب وتشديها مضبوط على راسك لانها يكون معها رباطات تربطينها فيها حول راسك
تخلطين شوي من البيجين مع شوي من الطاؤوس >>اتكلم عن الصبغه *_* وتخلينها شوي ثقيله عشان تعرفين تشتغلين فيها بس مو مره ثقيله لااا اهم شي ماتكون زي المويه

تحطيها على قالب الحواجب اللي انتي حاطته شوووي شوي بعود الاسنان وتاخذي مشط الحواجب وتحاولي تخلي الصبغه تتغلغل جوا عشان تلون الجلد والشعر زين بس شوي ع حواجبك عشان ماتلخبط الدنيا

بعدما تنتهين من وضع الصبغه فكي الحبل اللي رابطته وشيليه بهدوووووء

بعد ذلك اخلطي البودره مع الاوكسجين وحددي فيها الشعر الزايد عن الرسمه

وخليها حول ربع ساعه على حسب اللي انتي متعوده عليه واغسليها

واذا حسيتي الشعر مصفر شوي حاولي تطفيه بصبغه اشقر رمادي تحطيه على الشعر المشقر بدون اوكسجين على طول من العلبه

وخليه اقل من دقيقه واغسليه برضو

هذي طبعا طريقتي وهذا مجهودي واتمنى اتمنى يابنات تدعوووولي ان الله يوفقني ويحفظ لي اولادي ويوفقهم

لبى قلوبكم انا