طريقة عمل خبز للشورما

طبعا الشورما ممكن نعملها بكذا نوع خبز
ممكن بالخبز العربي ونعمل حبات صغيره وهذي على الطريقه التركيه
وممكن وهو الافضل من خبز الشيراك بالبر
او من العيش اللبناني
وعجينته نفس عجينة الرغيف العربي الا اننا بنضيف 3 ملاعق زيت للعجينه
ونخلي العجينه ما تكون قاسيه لا تكون طريه
وبعد ما نعجن العجين ونخليه يتخمر نرجع نعجنه ونخليه يتخمر مره ثانيه
بعدين نقرصه احجام صغيره ونخليه يرتاح
بعدين نفرده رقيق ونخليه يرتاح وقت حوالي ربع ساعه
ونخبزه على نار عاليه من الاسفل ونطلعه على طول من الفرن حتى ما ييبس وهذا الخبز ما يطلع تمام مثل الجاهز لانه ينخبز بالطابونه
لكن في البيت الطعم بيطلع نفسه لكن الشكل لا والليونه ما تكون مثل خبز الطابونه
لان النار عاليه جدا بالطابونه فالخبز يدخل ويخرج بنفس اللحضه ومتحمر وناضج

وهذي الخطوات بالصور










لازم اول مايطلع من الفرن نحطه بكيس بلاستك وهو ساخن ومننتظر حتى يبرد
لاحظي بالصوره الخبز كيف ينشف من الاطراف بسرعه لاني ما لفيته بكيس اول ما طلع من الفرن
حتى اصوره لكم

او من عجينة الرقاق

واللي سالتني كيف يكون من عجينة الرقاق
حبيت اوضح لها الطريقه
اولا تفرد العجينه

توضعيها على الصاج

تقطع بالسكين حسب حجم الساندوتش المطلوب

تحشى وتلف

توضع في الشوايه الكهربائيه

يقدم الساندونتش كامل او مقطع حسب الرغبه


وممكن نخلي العجين اثقل او الخبز ما يكون رقيق مره ويدهن الرخام بالزيت او بالسمن وقت الفرد











ويكون لين مره


وهذا الخبز بيضل لين وممكن تعمليه ويقعد بالثلاجه اسبوع ما يصير فيه اي شي
ومكن كمان ينحفظ بالفريزر بس يتسخن يرجع لين مره كانه مخبوز للتو

ساندوتشات الفاهيتا

تنعمل من خبز التورتيلا (خبز الذره)

ولها نكه مميزه وما ينفع نعمل خبز تورتيلا من الدقيق الابيض بس
لان بكذه يصير خبز على الصاج عادي
خبز التورتلا انواع ممكن بالذره البيضاء او الصفراء
لكن خبز التورتلا الخاص بساندوتشات الفاهيتا بيكون من الذره البيضاء

ومقادير العجينه

كوب دقيق ابيض
كوب دقيق ذره بيضاء
ملح وماء للعجن تقريبا كوب
تعجن العجين وتكون لينه
نخليها ترتاح 10 دقايق او تفرد بنفس اللحظه
تكور الى كور صغيره

تفرد
وتخبز على مقلا عادي على الغاز بعد دهنها دهن خفيف بالزيت


تحشى وتقدم حالا



وهذا الخبز يضل طري لفتره طويله وما يصير فيه اي شي ممكن نعمله ونخليه بالثلاجه


وعلى فكره من عجينة خبز التورتلا ممكن نعمل شغلات كثيره راح تعجبكم مره
وان شاء الله راح اعلمكم كيف نعمل التورتلا المجففه
وخبز التاكو المكسيكي وخبز التورتلا بالتوابل والبهارات
وحبيت اضيف المفن البريطاني وشغلات كثيره بس وقتي مايسمح اني اعمل كل هذا كل يوم

ومن عجينة الرقاق يمكن عمل خبز البراتا الهندي

خبز البراثا الهندي





تفرد العجينه
تدهن بالزبده

تطبق مثل المروحه اليدويه حتى نصل الى النهايه


نمسك العجينه من نهاية الطرف الاول والطرف الثاني ونرفعها ونضربها على الرخام

ثم تلف بشكل حلزوني

تترك لترتاح

ثم تفرد ونحافظ عليها سميكه

تخبز في مقلى تيفال ساخن




وهكذا حتى نخلص الكميه كلها

توضع الاقراص فوق بعضعها حوالي 3 ارغفه في كل مره


نضع اليدين يد عن يمين الاقراص ويد عن شمال الاقراص
نرفع الاقراص ونظربها على الرخام فتتفك قليلا


تقدم حالا وعليكم بالعافيه