بنات وش فيكم بخلانين بتجاربكم يله نبي نستفيد

سلام :
راح اقولك طريقتي

انا استخدم الحماصة الكهربائية
احمص القهوة حتى احصل لون بني فاتح
ابردها انقيها من الحبوب المحترقة او الخربانه----- حتى ما تمرر ---
ارفعهابعلبة مقفلة
لعمل القهوة :
اولا القهوة :
اخذ ملي المطحنةواطحنة ( اذا تحبي قللي او زيدي )
احطة بالبكرج وصب خمس اكواب ماء
واطبخ القهوة على نار هادية لمدة لاتقل عن 25 دقيقة

ملاحظة : كثر الطبخ يمرر

ثانيا : الهيـــــل
في المطحنة
ملعقتين ونصف هيل
من 10 الى 5 حبات قرنفل
شوية زعفرانن
ربع ملعقة مبيض قهوة ( كوفي ميت )
اذاحبيتي للتغيير اضيفي بعض الاحيان نص ملعقة جنزبيل

------- اطحنيها وضعيها بترمس القهوة-----------------

------بعد ماتخلص القهوة طبخ طفي النار واتركيها دقيقة وبعدين صبيها على الهيل
في الترمس-----------
مهم :
- نوع القهوة والهيل والقرنفل وازعفران --- لازم يكون احسن نوع ----
- اذا ماتعرفي تحمسي القهوة اشتريها جاهزة
- المقادير ماهي ثابتة وتختلف اذ ا كنتي تحبي القهوة خفيفة او ثقيلة
المقادير السابقة تقريبا لقهوة ثقيلة
تقدري تقللي من مقدار القهوة والهيل اذا تحبيها اخف


----- هاذي طريقتي في القهوة-------------

مشكوره مراد العين وتعبتك معاي جزاك الله خير

سلام

هاه يمديني ارد ولا متأخر !!

شوفي قهوتنا اهم شي نوع الهيل والقهوه

تجيبين القهوه نوع هرري ولا بريه

تغسلين لك نص كيلو وتنشفينه بصحن كبير

ثاني يوم تحمسينه على نار هاديه 15 دقيقه

يصير اللون بني مثل لون كريمة الشوكلاته الفاتحه

تطحنينه طحن خشين

تغلين مويه 1 لتر

وتحطين مقدار فنجال قهوه عربي بالدله وتغلينها 10 دقايق نار هاديه

نجي للهيل

احنا ناخذ نوع ماركة طياره والفرحانه او الريحانه

يجي بكيس ببعض انواع السوبرماركت ب80 ريال تقريبا

تاخذين الهيل وتطحنين معه زعفران تقريبا ملعقه صغيره لكل طحنه

يعني الطحنه كوب صغير (يحفظ بعلبه قزاز)

ولما تغلي القهوه وتركد شوي

نجيب غلايه صغيره ونحط فيها الهيل المحطون ونصب عليه القهوه

ونغليه دقيقه

بعدين نغسل الترمس بمويه حاره ونحط القهوه المهيله

ونزيد عليها من الدله الاولى

واذا تبين تصفين الهيل بكيفك

مشكوره اختي انا ترى اعرف اعملها بس حابه اعرف طرق الغير للاستفاده والى الان محد قال وش نوع الزغفران الجيد