صباحكم سعيد

اول شي.. بدعيلك الله يشفي لك زوجك ويخليك اولادك

ثاني شي .. بالله عليكم يعني ما عندنا شغله غير ندلع بهالرجاحيل خلاص وياليت في مقابل!! الا لا حمد ولا شكورا .
ثالث شي .. اللي يقدم السبت يلقى الاحد . ومن شافني بعين اشوفه باثنين .
وسلامتكم

نفس الرد اللي كنت ناويته

الله يهديك انتي وياه

اولا العشره والسنين الطوال اللي عشتيها مع زوجك كافيه انها تعودك عليه حتى لو ماكنتي اتغيرتي طبيعه الرجل بعد سنين الزواج يروق ويخف ويعطيكي حريه تختلف عن اول الايام والغيره تخف والتحكم يخف تحسيه كانه تعب
واصلا المراه بعد سنين الزواج تتعود على عيوب زوجها قبل حسناته وتصير تعتبرها شي عادي
ثانيا احلى شي قلتيه انك تكوني صاحبته وتسمعي له ويحكيكي كل شي ومهم تشاركيه اهتمامته وتتدخلي فيها حتى لو ماتهمك اغصبي نفسك تهتمي لو يحب الكوره اتفرجي معاه مباريات واحفظي اسماء الفرق واللاعبين واتكلمي عن التكنيك والاهداف ودي الامور واعطيه رايك في اي شي يسويه في العمل في اللبس وكده
لكن الغلط انك تعطي بدون ماتاخدي لان حيتعود ياخد وماحيعرف يعطي اصلا حتى لو حاول خلاص حينسى العطاء وهذا الشي مره خطر
لانه يزيد الانانيه وخطر حتى في الرتبيه مع الابناء بس مع الزوج اخطر ليش؟
ولدك لو دلعتيه وصار بس ياخد ومايعطي ووصلت معاكي وبطلتي تعطي وانتظرتي هوا يتعدل ويعطي مله غيرك حيتعدل غصبن عنه
زوجك لو وقفتي عطاء واستنينته يتعدل يقدر يبدلك بثلاثه محلك ماراح يكلف نفسه ويتعب نفسه ويبدا هوا بالعطاء
وانك تسايري زوجك وتاخديه على عقله وهوا معصب شي وانه يغلط عليكي ويهينك وتروحي تبوسي راسه شي ثاني هذا معناه سوي كمان ولاتكلف نفسك تسوي حساب لزعلي خد راحتك لاتخاف ماحازعل بالعكس حاجي اديك بوسه لا معليش
مين قال ان الاسنان ماله كرامه في الزواج مافي اي شخص مايكون لكي معاه كرامه خاصه الزوج لانها حياه شراكه وعايشين مع بعض 14 ساعه كيف نفسيتك حتكون لو حسيتي انك مالكي كرامه مع دا الزوج
انا في اول زواجي لمن كان زوجي يسبني واقلب الدنيا طبعا يقولي ليش ماتزعلي من اخوانك لمن يسبوكي اقله اخواني مابيجوا يناموا معايا اخر الليل
ومعنى كلامي انه مافرقت عندي لو ماقدروني او احترموني لاني ماباعاشرهم وباسوي معاهم شي مايصير الا بالاحترام المتبادل
ولا ماكان الرسول صلى الله عليه وسلم حذر الرجال انهم يضربوا حريمهم بالنهار ويروحوا يجامعوهم اخر الليل
لان هذا اللي يفرقنا عن الحيوانات الله يكرمكم هما عمليا بيمارسوا نفس العمليه بس المشاعر والاحترام هيا اللي تفرق البشر عنهم مو مجرد تفريغ شهوه وخلاص
اصلا انك تعملي دا الشي وانتي في قلبك مهانه منه او غالط عليكي وضغطتي نفسك وبوستيه وصالحتيه بس في قلبك مجروحه مره شي مؤلم نفسيا
ولازم الانسان ياخد ويعطي اصلا المراه مجبوله على العطاء يعني لو اعطاها نقطه حتعطيه لتر
والتدليع المبالغ غلط مع الرجال انا اقول دلعيه وريحيه بحدود بس لو قلب عليكي وماقدر كل الدلع والعطاء ساعتها اقلي عشان يحس بالفرق ويعرف انه حيتدلع وينسبط اذا احترم نفسه ويمسك نفسه ويحترمك
لكن احترمك متدله ومااحترمك متدلع ايش الفرق ليش يكلف نفسه اصلا ويعملك حساب
وعلى فكرة مااتوقع الرجال حينبسط ويحترمك لو شافك تنسبي وتروحي تبوسه او شافك مخليته محور حياتك وكل همك

ما اطول بالك الله يسعدك
والله الرجال تعبونا كيف نرضيهم
الله يوفق الجميع

امي تقول الزوج لصارت زوجته جنه قال ماضرني لو جمعت جنتين وراح تزوج عليها عشان يعيش قمة الرفاهيه والدلع
واذا شافها نار قال ياويلي وش لي بنارين لانه يحسب كل الحريم قويات وياخذون حقهم

وامي تجربتها 30 سنه يعني ضعف تجربتك وسوت كل اللي قلتي عليه واكثر وبالاخير تزوج عليها وكان عصبي وامي مستحمله صراخه وهواشه الثانيه اول ماصرخ عليها صرخه خفيفه قومت الدنيا ماقعدتها وجابت اهلها واخوانها وصار معها ماعمرنا سمعنا صوته ابد ابد وماشي على الصراط لا وجاه ضغط وسكر من كثر ماهو كاتم وكل مابغى يعصب جاء عند امي ومسخرها بالهواش
امي من كثر دلالها له غسلت له بيته ورتبت له الاثاث وكانت تطلع المقاضي لها فوق وش تبين اكثر من ذا دلع

انا بنصحك انتي فوقي وخففي اللي قاعده تسوينه
وصراحه لو انا رجال وفي وحده لازقه فيني بهالشكل لاضربها بالمسدس :42:
وعلى فكره بني ادم كل مازاد دلع كل مازاد طغيان وهذه حقيقه بعلم النفس
طريقتك مبالغ فيها الحياه شراكه بين اثنين مو واحد يعطي والثاني قاعد ويتأمر ولما يخلص بحر العطاء يكبرون عيالك وتنشغلين بمشاكلهم وتكبرين بالعمر وماعد لك حمل علطول يدور على احد ثاني ويتهمك بالتقصير
دايم خلي تفكيرك لبعيد
دلل نفسك تجدها