UM YAZEED ✨ :

لو تجربين طريقتي متأكده مليون بالميه راح تصير رقم 1 عندك ، بعد ما تغسلين السمك تجففينه بمناديل ورق تجففينه زييييين ما يبقى فيه ماي و بعدها تفردينه على ورق زبده و ترشين عليه ملح رشه بسيطه وتدخلينه الفرن وتتركينه لين يتحمر راح تطلع نااااشفه وبعدها تدهنينها بهالخلطه اللذيييذه وهي عباره عن : 3 عصير ليمون و فصين ثوم ، نص ملعقه كمون و ملعقه كزبره ناشفه وملعقه من بهارات السمك او بهارات مشكله ، نص ملعقه زنجبيل باودر وملعقه ملح ، ملعقتين معجون تمر هندي وملعقتين شطه او معجون فلفل وثلث كوب زيت زيتون و تخلطينهم سوا وتدهنين وجه السمك وخليك كريمه ها وتدخلينهم الفرن تقريباً عشر دقايق او ليمن تجف الخلطه وتتماسك ، و في طاوه : حزمة كزبره خضراء و حزمة بقدونس ، بصلتين مفرومين فرم ناعم فصين ثوم و كزبره ناشفه ، 3 حبات فليفله الوان مقطعه مكعبات صغيره ، و حبة طماطم صغيره مفرومه و بهارات مشكله و كمون و ملح و تقلبينهم في زيت على النار ليمن يذبلون و تحطينهم على وجه السمك و تتركينها في الفرن ربع ساعه على نار هاديه و بالعافيه 👍🏻

لو تجربين طريقتي متأكده مليون بالميه راح تصير رقم 1 عندك ، بعد ما تغسلين السمك تجففينه بمناديل...