اني مثل باقي البنات

بس مشكلتي جديده على القهوه
العاده من اروح بيت اهل زوجي اشرب منها كل يوم بس اضيف له سكر
لكن الان الحمدلله بدون

ماء + بن + هيل + كم شعره زعفران وبس

اغلي الماء وبعدين اضيف له ملعقتين قهوه ونص ملعقه هيل
واحط بالترمز ملعقه هيل مع كم شعره زعفران مو كثير يعني حتى الطعم يصير حلو بس مو مبين بيه الزعفران
اول زوجي قالي القهوه بس قلبه وحده على النار وخلاص
لكن طعمها مو مثل طعم القهوه الي اشربها ببيت اهله
عاد قريت بالنت انها لازم تفور على نار هادئه
وصحيح طعمها طلع عجيب


جني طولتها وهي قصيره

الحمسه الشقره الطازه و كثرة الطبخ على نار هاديه
انا اخليها تطبخ نص ساعه على نار شمعه و بعدين احط قفشه هيل تغلي غلوتين و اصبها و احط بالمطارة الزعفران

سألت ام زوزي عن طريقه القهوه
اول شي تحطين بالترمس 2م هيل مطحون +3اعواد قرنفل+ شويه زعفران
بعدين تجيبي 3معالق بن + معلقه هيل مطحون وتغلينهم لمده 10 دقائق على نار هاديه وبتصبيهم بالترمس
وصحتين على قلبك

إذا تبين القرنفل يطلع طعمه روعة و لا يبين أنه قرنفل
حطي كم حبة أكثر ست حبات تطبخ مع القهوة يعني لاتكثرين :27:
وحطي قطعة صغيرة بحجم راس أصبعك شيبة وخليها تطبخ مع القهوة في الدقايق الخمس الأخيرة:time:
والقهوة لاتقل مدة طبخها عن 15دقيقة ولا تزيد عن 25دقيقة:time:
وطبعا نوعية القهوة وأحسن نوع طبعا البرية والخولانية
والحمسة تكون تميل للغامق بس ماتكون محروقة يعني يكون لونها بني كستنائي

ممكن تضيفين ملعقةو صغيرة حليب سائل مثل حليب أبو قوس
أو ملعقة كبيرة من حليب قصير الأجل
ميزة الحليب يخلي لونها كأنها مزعفرة ويخليها خفيفة عالمعدة وماتسوي حرقان
الهيل والزعفران يفضل يكون بترمس القهوة
إذا جهزت القهوة طفي النار وخليها تركد 3دقايق عشان مايصير نص الترمس خاثر (حثال البن)
وتصبين القهوة عليهم بالترمس وخليهم يركدون 10دقايق
ولو بتحطين بدلة عادية حطيه بالدلة وخليهم ياخذون بس غلوتين سريعة لاتزيد
وخليها تركد 3دقايق <<<ياكثر ماتركدينها:39:

لأنه القهوة بصراحة تبي لها مخمخة ومزاج عالي ونفس رايق:mad:
وبإذن الله الكل راح يشهد لتس ولقهوتس بالطيب وأولهم:arb:
موفقة يارب
طبعا الترمس قياس واحد لتر يحتاج ملعقتين أكل بن محمص ومطحون
وملعقة صغيرة هيل وإذا تحبين تكثرينه هذا راجع لك وترا الهيل أنواع وكل ماكان مطحون فريش يكون أفضل
طبعا عشان يطلع قياس المويا تمام في إبريق القهوة تحطين مويا ملي الترمس وزيادة كاس الجبن الكبير الي نعرفه لأنه لو حطيتي لتر واحد بس
راح تنقص المويا مع التبخر وكمان البن نفسه راح ياخذ كمية من الماء وتكون هالكمية خاثرة ماتقدرين تصبينها بالترمس
بس هاه لا تنسين تعزمينا إذا ضبطت عشان عاد نعطيتس شهادة رسمية:39:




شوفي موضوعي فيه شرح مصور بعد

http://forum.hawaaworld.com/showthread.php?t=2317718

شوفي خيتوه القهوه لا تشتري كمية كبيرة عشان ما تروح ريحتها واشتري قهوة مثل ما قالوا البنات بنية وتوها مطحونه والهيل لازم تكوني حريصه عند شراءه يكوني من النوع الزين ولونه خضر مو متفتح وخربان ومطول عند السوق واطحني كمية قليلة يعني كل جمعه اطحني حك اسبوع
أنا احط على قهوتي شوي زنجيل ناشف مطحون وبهارات قهوه جاهزة تلاقيها عند محلات القهوه حطي ملعقه صغيرة