حبيبتي انا زيك مرا احب الجبنة السائلة وكل مرا تتفرقع خالتي ماشاء الله تسويها مضبوطة

فطلع غلطتي في ايش اولا لازم ماتكثري جبن جوا كتير حطي ملعقة شاي صغيرة كفاية

تانيا لازم تلفي السمبوسة كويس ما تخلي فيها فتحات انا كنت اترك فيها فتحات وارقعها بالدقيق ودا غلط

تألت شي لازم تكون في الفريزر مجمدة

وسخني الزيت تمام ما يكون بارد اول مايسخن نزليها فورا من الفريزر للزيت لاتخليها تفك من التلج

و على طول قلبي اول ماتحمر شيليها

انا كدا اعملها والحمدلله مرا مافرقعت معايا

انا بناتي يحبو الجبنه السايله كان يرفقع بس اتعلمت طريقه مايفرقع 
اول شي اخلطي جبنه سايله مع جبنه مثلثات 
ثانيا بعد ماتخلصي من اللف حطيها بالثلاجه عشان الجبن يجمد شوي 
ثالثا اقليها في زيت حار 
جربي طريقتي وان شاء الله تضبط معاكي

الله يجزكم الخير انا استفدت كثير بس لما نقليها تصير كلها زيت

حطيها بالفرن

انا مثلك اهلي مايحبو الا الجبنه السائله سويت بالكيري ماكلوها بالشيدر يادوب حبتين والباقي ....... ! :44:
وبعدين صرت اقفل الاطراف بعجينة دقيق تمام بس يجيها اوقات تغغدر بي وتطرطش :icon33:
صرت اقلل من الجبنه وافرزنها ومن الفريزر على الزيت والحمدلله مشي الوضع الله لايضيع لنا تعب