طريقتك لتدفئة طفلك أثناء الشتاء فيدي و استفيدي

ياليت نفيد بعض و نستفيد من خبرات بعض ..بالنسبة لي أتعب مع بناتي بالشتاء لأني أحاول قدر الامكان أدفيهم سواء وقت الخروج أو في البيت أو عند النوم ومن زيادة حرصي أحس أني أكثر عليهم الملابس ياليت كل أم تفيدنا بخبرتها لان عندي كم سؤال وأكيد فيه أمهات مثلي:
1ـ عند النوم (الملابس هل تكون ثقيله مرره أو قطنيه ـ الشراب (أحسه ضروري بس أصحى ألاقيهم بدون شراب
أشغل المكيف وكثير يعتبرونه خطأ لكن ماأحب الدفايه ونومهم خفيف,وش الأفضل مكيف أو بدون ؟؟؟
2ـ عند الخروج أو في البيت وش تحرصين عليه في لبسهم ،،في البيت هل المكيف أو الدفايه ضروريه
3ـ طبعا مع البرد يحتاج الجسم لشرب أشياء دافيه بالنسبه للرضع أمرهم هين لكن اللي مايرضعون كيف تتعاملون معاهم خاصة إذا رفضوا الحليب بالكوب لان بنتي ترفضه عمرها حوالي أربع سنوات وش أفضل حليب ينفع لها أو شي ساخن
4ـ لتقوية المناعه لان مناعة أغلب الأطفال ضعيفه بسرعه يمرض و ببطء يشفى هل تستخدمون شي معين واللي عندها نظام غذائي للأطفال من سنتين الى ماقبل المدرسة تفيدنا
5ـ بالنسبه للانفلونزا من زكام وكحه أستخدم (عسل وليمون وزيت زيتون ) وغالبا استغني عن الزيت لانهم يرفضونه وأمسح الرجل بفكس و البسها الشراب بعد ماتنام الحمدلله يروح الزكام لكن المشكله الكحه تتطوووووول أسبوعين خاصة عند النوم لاتقولون علاج ترفضه تماما"استخدمت زيت السمسم اسخنه شوي و امسح صدرهالكن مانفع ياليت اللي عندها طريقه تفيدنا...
6ـأثناء المرض و بعد الشفاء منه نلاحظ شهية الطفل ضعيفه جدا هل تستخدمون فاتح شهيه أو نركزعلى أكل معين،، استخدمت جونيور بس مانفع معاهم ...
اللي ماعندها شي يفيد ياليت ترفع الموضوع لاني ماأكون متواجده بكثره لانشغالي ...
ياليت الكل يفيد و يستفيد ....