جزاكم الله خير .... ياليت يكون فيه تفاعل اكثر علشان نستفيد و نفيد لكن عندي سؤال وش تقصدون بالبيجامه الثقيله هل هي قطنيه لاني ادور بجايم ثقيله تكون قطنيه100٪ او صوف لكن ماالاقي الا قطن مع بوليستر اللي تعرف مكان بجايم ثقيله وخامتها حلوه تدلنا

نقطه مهمه ماذكرتها لكن بعض الاخوات ذكروها و هي وقت الاستحمام ضروري نحرص على تدفئته بالنسبه لي اجهز كل شي الحمام و اضبط المويه و اجهز اغراض الاستحمام اما الغرفه اللي جنب الحمام لازم تكون دافيه اذا كان الجو بارد مره اشغل المكيف حتى تدفا بعدها اطفيه واجهز الملابس ولازم زيت زيتون امسح مسح خفيف و احاول البسهم بسرعه بالنسبه للمواليد احسه اصعب لان اذا الجو بارد بالحمام احممه بالغرفه تكون دافيه و اعطيه رضعة يانسون بعدها فيه عضوه ناسيه اسمها ذكرت دفايه للحمام بكذا يكون اسهل ..... ياليت تذكرون طريقتكم للاستفاده و سن الطفل  

أنا عني بنتي عمرها 3 شهور
ألبسها ملابس دافيه قطن وأمهدها عادي
وألحفها البطانية ما تتحرك طول الليل
ولدي عمره 3 سنين قبل كنت ألبسه فنيله اللي بطقطق من تحت لها رقبة وكموم طويله وهيلا هوب وبعدين بيجامة قطن ثقيلة حقت المنيف
والحمدلله ما عمره مرض وللطلعات اللبس من جوه نفسه وعليه لبس الطلعه
ولدي الكبير 6 سنوات الحمدلله يعرف كبير ما ينزل شراباته ويتلحف زين
الدفاية الزيتية تكون شغاله بغرفتهم وهي أمنه إذا وصلت درجة حرارة الغرفة 27 تفصل لحالها وترجع تشغتل
جبتها من الخارج قبل كم سنه ومالقيت زيها لين اللحين
من ناحية المشروبات الساخنة أعبيلهم ترمس حليب ساده وأخليهم هم يحطون شكولاته نيسكويك ويستانسون
والشوربة يحبونها أسويلهم دايم والأكل ترى المكرونه والمرقوق والجريش والسليق كلها لينه ويحبونها وتدفي

نورتي الموضوع ماشاء الله طريقتك حلوه بس من وين بيجامات المنيف بالرياض

وينكمممممم معقوله ماتشترون بيجامات قطنيه شتويه