عند النوم (الملابس هل تكون ثقيله مرره أو قطنيه ـ الشراب (أحسه ضروري بس أصحى ألاقيهم بدون شراب
أشغل المكيف وكثير يعتبرونه خطأ لكن ماأحب الدفايه ونومهم خفيف,وش الأفضل مكيف أو بدون ؟؟؟
اذا مو برد شديد ملابس قطنيه طويله

واذا البرد قوي ملابس ثقيله
الشراب بس وهم صاحين لانهم يمشون ع البلاط ويكون بارد وقت النوم بدونه
وافضل بدون مكيف وادفي الغرفه قبل نومهم لما ينامون اطفيها

2ـ عند الخروج أو في البيت وش تحرصين عليه في لبسهم ،،في البيت هل المكيف أو الدفايه ضروريه
بصراحه كله حسب الجو
احيانا يحتمل بدون دفايه
بس المكيف لا لانهم ع طول يكحون

3ـ طبعا مع البرد يحتاج الجسم لشرب أشياء دافيه بالنسبه للرضع أمرهم هين لكن اللي مايرضعون كيف تتعاملون معاهم خاصة إذا رفضوا الحليب بالكوب لان بنتي ترفضه عمرها حوالي أربع سنوات وش أفضل حليب ينفع لها أو شي ساخن
اسوي لهم حليب دافي مع شكولاته واحيانا احط زنجبيل بدون ما يدرون
واغصبهم ع العسل وزيت السمسم
4ـ لتقوية المناعه لان مناعة أغلب الأطفال ضعيفه بسرعه يمرض و ببطء يشفى هل تستخدمون شي معين واللي عندها نظام غذائي للأطفال من سنتين الى ماقبل المدرسة تفيدنا
العسل
زنجبيل
زيت سمسم او زيتون
5ـ بالنسبه للانفلونزا من زكام وكحه أستخدم (عسل وليمون وزيت زيتون ) وغالبا استغني عن الزيت لانهم يرفضونه وأمسح الرجل بفكس و البسها الشراب بعد ماتنام الحمدلله يروح الزكام لكن المشكله الكحه تتطوووووول أسبوعين خاصة عند النوم لاتقولون علاج ترفضه تماما"استخدمت زيت السمسم اسخنه شوي و امسح صدرهالكن مانفع ياليت اللي عندها طريقه تفيدنا...
زيت السمسم للشرب افضل
زيت الزيتون دفيه مع حبتين مسمار مفيد وادهني رجلهم بعد وانفهم لان الهواء البارد يدخل منه للصدر وغطي اذنهم بكوفيه
ما احب الفيكس ابدا
6ـأثناء المرض و بعد الشفاء منه نلاحظ شهية الطفل ضعيفه جدا هل تستخدمون فاتح شهيه أو نركزعلى أكل معين،، استخدمت جونيور بس مانفع معاهم ...

ما استعمل
اكثر لهم عصير او شوربه ويحبونها خصوصا الشوفان

لي عودة ان شاء الله لاني مستعجله

التوت مركز = توت فيمتو مقدار فنجال من دون اضافة مويه عليه ....

انا دايم البسهم بجامات كم طويل .. لا ن بالحر المكيف يخلي الغرفه بارده وبوقت البرد مايحتاج... عشان كذا انا دوم البسهم بجامات واذا على البطانيه مايخلوها اصلا... وبالنسبه للمكيف شغليه دفي الغرفه بس لا جيتي تنامي طفيه...لا تشغليه وتنامي انتي وعيالك ...والدفايه شغليها عادي بس انتبه من الحرايق وخلي دووم الباب مفتوح عشان ماتصير الغرفه مره داافيه واذا جيتو تطلعون الغرف الثانيه تكون بارده...كذا تمرضون... بالنسبه للمناعه ..اليانسون حلوو...وبس هذا الي اعرفه

سمعت تحذير عن لبس الشراريب وقت النوم لأنه احتمال لو ارتفعت حرارة الطفل أثناء النوم لاقدر الله
راح تضره لأن الحرارة تطلع من اليدين والرجلين ولو كانت الرجلين عليهم شراب راح تطلع من عيونهم


وقريت بعد إن الشراب يمنع دخول الأكسجين للقدم مما يسبب سواد بالعينين

عاد مدري عن صحة هذا الكلام .. لكن الأفضل إنكم ماتلبسوهم أصلا يحس الواحد كأنه مخنوق إذا نام فيهم

الافضل لرفع المناعة عسل مع ماء وليس لوحده..

حبة سوداء مهم وضروري جدا عشان فيتامين أ

والزنك مهم جدا وهو موجود بالحلبة او الاملج وايضا بالزنجبيل الاخضر بس بنسبة اقل منهن