ابداع بجد يا دينا
جزاكى الله خيرا



بس مش عارفة احمل الملفات

أشهر طبق على المائدة الرمضانية

الفول المدمس



اولا طبعا نقي الفول وفي نوع في مصر الفول كبير شويه
تحطي كبايه ونصف في ميه من العصر مثلا
وبعدي ن تحطي في قدره الفول طبعا الصغيرة اللي موجوده في اي سوبر ماركت تحطي الفول بعد ما تغسليه وعليه ميه تقريبا ضعف الفول وبعدين انا بحطه على النار يغلي الاول وبعدين بكون مشغلة السخان الكهرباء الصغير
المهم بعد مايغلي غلوة على البوتجاز بحطه على السخان واضيف 1-فص ثوم
1- واحده طماطميه+ 3 معالق عدس اصفر+ او ربع معلقه بيكنج بودر اوكربوناته
وطبعا ده عشان القشره بتاعت الفول متتعبش القولون
وتغطيه من بليل لحد الصبح على السخان واول ما تفتحي القدره حطي معلقه زيت اي زيت
واقفليه وبعدين حطيه في علبه بلاستك مقفوله وطبعا اول ماتفتحي القدرة شيلي الثوم زي ما هو وارميه وبعدين خدي على قد الي عاوزة تعمليه يوميا

بعض اطباق الفول المدمس للسحور



- الفول بالزيت و الكمون:يضاف للفول عصير ليمون و ملح و كمون و زيت (ذرة او زيتون زي ماتحبوا).

2- الفول بالدقة:تجهز دقة من ثوم مدقوق و ملح و كمون و كركم و ليمون و نضيفها عليه مع زيت و ممكن نضيفله طحينة.

3- الفول بالسلطة:تقطع طماطم مكعبات صغيرة و بصل و فلفل أخضر برضه مكعبات صغيرة و نضيف لهم ملح و كمون و خل و ليمون و نضيفهم للفول و نحط زيت و طحينة حسب الرغبة.

4- الفول بالطماطم:تقطع الطاطم مكعبات صغيرة و لما الفول يسخن نضيفها و نتركها إلى أن تذبل ثم نضيف الليمون و الملح و الكمون و الزيت.

5- الفول بالسمنة أو الزبدة:نضيف للفول سمن أو زبدة حسب الطلب و بدل الكمون بنضع فلفل أسود و ملح.

6- الفول بالبيض:نقلي البيض عادي و بعدين نضيف له الفول و ملح و فلفل أسود.

7- الفول بالثوم و الطماطم:نقطع فصوص الثوم بالسكين شرائح بالعرض و نقلبها في السمن أو الزبدة حتى يصير اللون ذهبي و بعدين نضيف الطماطم المقطعة مكعبات و نضع ملح و فلفل اسود و بهارات و لما الطماطم تذبل نضيف الفول و نقلبه كويس.

8- صينية الفول بالبيض في الفرن:نفس الخطوات السابقة ننفذها و بعدين نضع الفول الساخن في صينية الفرن و نكسر عدد البيضات اللي نحبه عليه بحيث يكون الصفار سليم و بعدين ندخله الفرن ونولعه من تحت شوية لحد ما البيض يستوي و بعدين نولع الشواية من فوق شوية لحد مالوجه يكون ذهبي.

9- البيض بالسجق:نجيب السجق و نقطعه و نحمره في السمن و بعدين نضيف الفول و الملح و الفلفل الاسود.

10- الفول بالباذنجان:لو باقي عندك شوية مسقعة أو باذنجان مقلي أو بابا غنوج قلبيه مع الفول و ضيفي ليمون و ملح و كمون و زيت بيبقى طعمه روعة.
4- فول بالبيض المسلوق:نحط للفول عصير ليمون و ملح وفلفل أسود و كمون و زيت وتكوني سلقة بيض عادي ونقطعة و يقلب مع الفول ( يا سلالالام طعمة وهم) و يا سلام لو زعتر دقة عليه

ماشاء الله تبارك الله
سلمت يداك اختي الفاضلة..

عجة الفول المدمس



4 بيضات
بصلة صغيرة مبشورة
مثلا كوب فول مدمس
معلقة صغيرة زيت
معلقة صغيرة بقدونس مفروم
ملح – فلفل – كمون
الطريقة
شيلى القشرة بتاعة الفول واهرسية كويس بالشوكة او صفية
حمرى البصلة فى الزيت
اضربى البيض بالشوكة كويس وعلية الملح والفلفل والكمون
و البصلة المحمرة والبقدونس وضعى عليهم الفول المصفى
نضع معلقة زيت فى المقلاية ونضع فيها الخليط كله ونستنى لحد ما القاع يمسك وبعدين نقلبها على الوش التانى
لحد ما يمسك وتستوى نقلب العجة فى طبق التقديم


اطباق فول جديدة للسحور

فول بالطحينة

فول مهروس – ليمون – طحينة او سلطة طحينة – ملح وفلفل
الطريقة
نضع الفول فى الطبق ثم نضع على الوش الطحينة بطريقة خطوط ونجملها بالسكينة ثم نعصر عليها عصير ليمون



فول بالعصاجفول مهروس او صحيح – 1/4 ك لحمة مفرومة – بصلة مفرومة – ملح وفلفل
نضع فى مقلاية م ص سمن او 2 م زيت ثم نضع بصلة مفرومة لحد ماتصفر ثم نضع اللحمة المفرومة وملح وفلفل لحد ماتستوى
نضع الفول فى الطبق ثم نضع عليه اللحمة المعصجة ونجمله بقرن فلفل حامى



فول بالسمسمقول مهروس – سمسم – زيت سمسم – ملح
نضع الفول فى الطبق ونضع علية رشة زيت سمسم ثم نضع السمسم


فول بالبيض والبسطرمة



فول مهروس او صحيح – بيض
– بسطرمة – ملح – زيت او ذبدة
نضع م ص ذبدة فى مقلاية ونضع فيها البسطرمة تقليبتين لحد ماتستوى
ثم نضع البيض بالعدد المطلوب لحد مايستوى ونضع علية البسطرمة
نضع الفول فى الطبق ونضع فوقه البيض بالبسطرمة

فول بالفلفل الملون



فول مهروس او صحيح – ملح وفلفل وكمون – قطع صغيرة من الفلفل الرومى الاحمر والاخضر والاصفر – سنة كزبرة ناشفة
نضع م ص زيت ذرة ونشوح فص ثوم ثم الفلفل يادوب تقليبة واحدة
نضع الفول فى الطبق ونضع عليه خلطة الفلفل
او ممكن نضع الفلفل بدون تشويح

فول بالزبادى والكاتشب

فول مهروس او صحيح – م ك زبادى – م ك كاتشب
نضع الفول فى الطبق ونضع علية الذبادى ثم نضع الكاتشب

فول بالعدس والحمص



فول مهروس او صحيح – حمص مسلوق – عدس اسود مسلوق – ملح – كمون – ليمون
نضع م زيت فى مفلاية ونضع العدس والحمص ونشوحهم تقليبتين
نضع الفول فى الطبق ثم نضع العدس والحمص على الفول ونضع الليمون والكمون

فول مدمس بالصلصة



فول مهروس او صحيح – 2 م ك صلصة – زيتون اسود
نشوح فص ثوم مهروس فى م ص زيت لحد مايصفر ثم نضع 2 م ك صلصة ونقلبها لحد ماتتسبك
نضع الفول فى الطبق ونضع عليه الصلصة ونجمل بالزيتون الاسود


جبنة بيضاء للسحور


جبنة بيضاء – زيت زيتون – كمون – بابريكا – مكعبات طماطم
نهرس الجبنة البيضاء بالشوكة فى طبق ونضع عليها م زيت زيتون وبابريكا وسنة كمون ونخلطهم بالشوكة ثم نضعها فى الطبق ونضع على الوش سنة بابريكا ومكعبات الطماطم
ملحوظة للطبق الخفيف
نستخدم الجبنة البيضاء بدون ملح

مجهود رائع
جزاك الله خيرااااااااااااااااااا