جزاك الله كل خير

ماشااء الله كذا احلى

ربي يعافيك ويقويك

الزبادى




كيلو حليب
1 زبادى بلدى الكبيرة
اكواب بلاستيك او ماكينة الزبادى المخصوصة
الطريقة
شغللى الفرن لحد ما يدفى ثم اطفيه وسيبيه مقفول
اغللى الحليب وبعدين اطفى النار واتركية لحد ما يبقى دافى
( يعنى لما تحطى فية صباعك تقدرى تستحملى السخونة )
قلبى الزبادى بالمعلقة كويس لحد ما حتلاقيها بقيت ناعمة
ضعيها على الحليب واضربيها فى خلاط العصير ضربتين
صبيه فى الاكواب وضعى الاكواب فى الفرن المطفى اللى سبق ودفناه
لمدة 4 او 5 ساعات ثم ضعية فى الثلاجة
او ضعية فى ماكينة الزبادى وغطيها وشغليها لمدة 4 ساعات
او حسب تعليمات الماكينة

تااااااااااااابع

الزيتون المخلل



2 كيلو زيتون اخضر(تفاحى)
نص كيلو فلفل حامى
ليمون
نص حزمة كرفس
زيت
كيس ملح
الطريقة
نغسل الزيتون وندشه بأى حاجة جامدة
نرش على الزيتون رشة ملح ونخلطه كويس قوى بايدنا ثم نتركه لتانى يوم
حتلاحظلى ان الزيتون نزل ماء لونه اسود ارميه على طول
قطعى كام ليمونة الى ارباع ويا اما تقطعى الفلفل نصين او تتركيه سليم زى ماهو بس شيلى الكاس الاخضر بتاعه
ضعى فى البرطمان شوية ليمون مقطع وفوقه شوية فلفل وفوقه شوية زيتون وهكذا بشرط انك توقفى وضع لقبل فوهه البرطمان بحوالى 4 سم اغسلى الكرفس وقطعيه وحطيه فى البرطمان
ضعى 1/3 البرطمان عصير ليمون و1/3 البرطمان التانى ماء بملح و 1/3 البرطمان الاخبر زيت
وبعدبن ضعى على وش البرطمان كام واحدة من قشر الليمون وغطى البرطمان كويس قوى بقطعة كيس نايلون ثم غطاء محكم
كل يوم لازم تهزى البرطمان هزة من تحت لفوق لحد مايستوى
وبالف هنا وشفا

ملحوظة ( الماء بالملح)


ضعى ماء فى طبق غويط وضعى فيه بيضة نية سليمة بس تكونى غسلاها كويس طبعا وابتدى نزلى الملح من الكيس فى الماء لحد ماتلاقى البيضة ابتديت تعوم فى الماء وتطلع لفوق
كدة خلاص تبقى دى كمية الملح المناسبة للمخلل ولا زيادة ولا ناقصة

الليمون المخلل



ليمون حسب الرغبة وليكن كيلو بس يكون اصفر
حبة البركة
عصفر
ملح
الطريقة
نضع ماء يغلى على النار وبعد مايغلى نضع الليمون يا دوب غلوة
نشيله من الماء لحد مايبرد وبعدين نعمل فية بالسكينة قطعين على هيئة كروس *
نخلط حبة البركة مع العصفر مع ملح مع بعض فى طبق ونحشى بيهم الليمون فى المكان اللى قطعناه
نضع الليمون فى البرطمان بجانب بعض وفوق بعض ثم نصب عليه الماء بملح لحد مايغطيه
ثم نغطى البرطمان بكيس نايلون ونقفل غطاء محكم لحد مايستوى

المء بالملح بنفس الطريقة اللى عملناها فى الزيتون المخلل ( طريقة البيضة)


الفلفل المخلل



نص كيلو فلفل بلدى رفيع او حامى
ملح
خل
الطريقة
نشيل القمع بتاع الفلفل ونعمل فيه شق صغير بالسكينة
نضعه فى برطمان ثم نضع تلتينه ماء بالملح والتلت خل ثم نضع عليه غطاء محكم
لحد مايستوى
الماء بالملح بنفس طريقة ( البيضة(