طريقتي اللي خلت جسمي الحمدلله اضعف من الاول خلال شهر وللحين باستمرار

هلا بنوتات حواء
بنات ماابي اطول واقرق وايد بس انا بقوللكم طريقتي..
بعد ما وصلت لمرحلة اني ما ايوز عن الاكل وخاصة الحلا.. وانا ما يصير فيني جذي الا لمن اوصل لمرحلة الاكتئااااب.. اقعد اكل واكل حتى لو اني شبعانه.. واقول اهي جذي جذي خربانه.. ليييين فجأه حسيت انه ما ودي احط شي ابحلجي وحتى ماني قادره اشم ريحة الاكل استغفر الله
المهم ما اطول عليهم قررت اني ما اكل بالمره بس امي طبعا كله وراي وما تبيني اقطع الاكل جذي مره وحده.. فكانت تقوللي على الاقل اكلي تمر وشربي حليب وكامل الدسم عشان اتييج القوة على الاقل.. وبيض مسلوق.. تقوللي خلج على هالشغلات وانتي ترتاحين من المتن بس بدون لا ينقص شي من جسمج..
وفعلا ما قمت اكل غير هاالثلاث شغلات ووالله ضعفت بس هم ما شفت وزني جم صار لانه ابي اطول وما اشوفه الا بعد اسبوعين مثلا.. بمعنا اصح نسيت انه عندنا ميزان بالبيت..
وتميت على هالطريقه وكان فيه ايام اصوم فيها لاني مع الوقت حسيت انه ما قمت اشتهي الاكل كلش جنه المعده قامت ما تستقبل الاكل واصلا قمت انسا اني المفروض اكل.. عشان جذي قررت اصوم احسنلي.. والمشكله لمن ايي افطر افطر على تمره وحده وبسسسسسس وما اشتهي غير اني اشرب شي بارد عصير او اشرب شاي او فواكه ونااادر لما اشتهي شي.. يعني جسمي تعود على جذي والله يا بنات انه ال انتي لو تنسين انج المفروض تاكلين والله راح تضعفين شغلي وقتج باي شي ثاني وحطي ابالي انه الاكل موجووود وين بيروح يعني.. شفيها يعني شهر ولا شهرين وبعدين نردله.. وصدقيني يوم تردينله ما تقدرين تاكلينه مثل قبل.. وفيه طريقه ثانيه خلال فترة رمضان قمت اتبعها ووايد نفعتني.. وهي اني احلف اني ما اكل مثلا القطايف او اللقيمات او كذا كذا كذا الا لمن اضعف بشكل ملحوظ للجميع صدقيني وقتها ما راح تفكرين فيه.. شي من عند ربج جذي تحسين انج ما ودج تاكلين اي شي من هالشغلات بنات انا من جم يوم وزنت ب الميزان ما اقوللكم الفرحة اللي حاشتني قلبي كان بيوووووقف انا كنت وقت الاكتئااااب 72 وقبل اسبوع تقريبا وزنت ولا انصدمت وقمت ايبب نزلت من 72 ل 65
واااي ما تتصورون الفرحه وييت ابي اجرب الملابس اللي ماكنت اقدر البسها واااااا كلهم دشو فيني ما صدقت عمري.. وبدوننن لا الزم نفسي بأكل معين على راااحتي ووقت ما ابي
بنات صدقوني بس انتو وخرو عن الحلويات والخبز والعيش والمعكرووونه والغازيااات والله صدقوني بترتاحون اكلو الخضار حتى اطبخوها بالزيوت واكلو بالملعقه بس لا تكثرون .. وانشاله تستفيدون من التجربه وتنحفووووون