مشكوورة اختي على نصايحك ..
وأنا رأيي من رأي أختي أحلى همس..

ماشاء الله نصايحك مرررة حلوة الله يوفقك يارب ,,
طيب ماقلتي لنا اي فقرات هي الي ابلغ المكتب يبلغونها فيها اي رقم ؟

وبالنسبة للسواليف مع الشغالة كيف من هالناحية ؟
وبعض الشغالات اذا طلبناهم ما اشتغلوا وحتى لو اشتغلوا يستهبلون علينا
ويسوون انفسهم مايفهمون واحيانا فجأة تجيب كلمة تدل على انها اشتغلت
ولما ااقولها من وين عرفتي هالكلمة تقول هذا من المكتب يعلمونا هالكلمات
مع ان الكلمات لهجات وليست فصحى مثل :
بزورة - يهال - دوبي (يعني توني )


كيفية التعامل مع هؤلاء الصنف ,, وبسألك اختي عن تفتيش الخادمة اول ماتجي واذا جت تروح
بالضبط كيفية التفتيش بالتفصيل الممل ,,

وبالنسبة للراتب بعض العوائل مايعطونها راتبها كل شهر يحرمونها منه ويقولون نجمعه لك لما تروحين
بحجة عدم التمرد عليهم يخافون تسوي شيء ولا تهرب شرايك بهالحركة والله يوفقك ,,,

شاكرة لكم خواتي تجاوبكم كلكم بدون استثناء بالنسبة للأخت احلى همس انا شاركرة لج وحابه اوضح

الصورة انا ولله الحمد اعاملهم احسن معاملة بس بحزم يعني ما خذه حقها كامل تاكل من اكلنا واشتري

لهم احسن لبس يعني اليونيفورم من محل راقي الوحدة 40 درهم وحق الضيوف والطلعات 100 درهم

البجامات من القطن الاصلي والملابس الداخلية بعد واغراض النظافة كلها من كارفور وعلى ذوقهم

الي تحب لوكس وبانتين وصن سلك على راحتهم ياخذون الي يبغونه وعلى حسابي ويوم اخذ اولادي

الملاهي يتعشون ويتغدون معانا شو تبغي بعد ..... وفي العيد كل شي جديد انا ولله الحمد اراعي غربتها

واحافظ عليها وراتبهم بالنسبة للخوات لي سألوا انا امسك راتب شهرين بس والباقي اعطيها تبعث

حق اهلها حرام هي جايه عشان هذا الراتب واي شي اخصمه عليها لما تكسر صحون او ما تسوي

شغلها في وقته وما عندها عذر احطه عندي يوم تجي تسافر اعطيها كامل واقول لها هذا الي خصمته

عليك اعطيها اياه كامل شو تبغي بعد واعطيها قبل ما تسافر راتب كامل عشان تشتري هدايا على

ذوقها هذا في حالة كانت ممتازة وخلصت مدتها كاملة عندي ........ واذا مرضت ما تلمس شي تروح

تنام ويوصلها الاكل عندها وعلاجها على حسابي والله الحمد انا قبل كل شي اراعي ضروفهم واخاف

ربي بس هم جنس ناكر للمعروف اذا عطيتها ريج حلو ركبت راسج يعني انا مثلا ما اسولف وياهم

واسال عن قصة حياتهم يوم تكلم اهلها من باب المجاملة اسالها شو اخبار اهلج بس بس مش اكثر

وبالنسبة لا ختلاط الخدامات مع بعض ما اقدر امنع حد يزورني ما يجيب خدامته بس اشغل خدامتي

واهريها بالشغل عشان ما يكون عندها وقت تسولف ...... وقبل لاحد يجي احذرهم ما ابغي تقعدون

تسولفون اناديكم تردون على طول بهذه الطريقة تكون منتبه لج مش للخدم ولما اروح مكان مثل

لما ازور اهلي اخلي الخدامة تتغدا قبل خدامات اهلي وتتعشا بروحة لانه الكلام كله يصير وقت الاكل

وتنام في غرفتي معايه لانه زوجي ما ينام بيت اهلي ما اخليها تنام مع خدامة اهلي وطبعا هي نظيفة

وماخذه الشور العدل .....

كل الي يشوف خداماتي يسالني عن نظافتهم وترتيبهم بدون ما امدح نفسي احسن خدامات بين اهلي

وصديقاتي خداماتي حتى لما ياكلون عيالي يلبسن قفازات عشان السمك والدجاج لما يقطعونه لهم

وراتبهم انا اسلمه لهم زوجي ما يتدخل فيهم ابد ..........

وتصبحون على خير بنتي تصيح ابغي ارضعها وانا شاكرة لكم واحب اسمع اقتراحاتكم وانتقاداتكم ايضا

تسلمين عالموضوع الرائع
ماشاء الله عليج فنانة والله
بس ممكن تكتبين لي الجدوول اللي تعطينه الخدامة
ومنكم نستفيد خاصة إني بييب خدامة خلال هالشهر
جزاج الله كل خير

يعطيك الف عافيه يا ناعمه الخدود
والله اني مثل طريقتك بالتعامل مع الخدم والحمدلله ما شفت مهم الا كل خير
اهم شي بالموضوع ان الوحده تتقي الله في الخادمه وما تظلمها وتعطيها حقها
واحنا ولله الحمد نعطيها حقها وزياده