السلام عليكم ورحمة الله وبركاته .........
خواتي الي طلبن الجدول انا بعطيكم الجدول الي انا ما شيه عليه وانتو رتبوه على نظامكم وشو يناسبكم
واتمنى افيدكم انشاء الله :
اول شي واهم شي تشترين لهن دفتر خاص لكل وحده والاوراق الصفراء الي تلصق على الجدران
بالنسبة للغسيل تقسمينه على ايام الاسبوع
الفوط والشراشف وملابسي يوم الاحد .....
الاثنين ملابس الاطفال .........
الثلاثاء ملابس زوجي ........
تنظيف الثلاجة بالكامل مرة في الاسبوع ........
تنظيف الكنب مرة في الاسبوع بالمكنسه الكهربائية وبعدين البخاريه ........والتعطير يومي .......
كل صباح غسيل الحمامات والمغرب ترش الملطف وديتول .......
كل صباح تمسح الارضيات بالمنظف الخاص وترش عليه عطر ........
الكوي يومي تقريبا وباليل لما الاولاد ينامون ..........
بالنسبة للمطبخ باليل تسالني شو راح نطبخ غدا عشان الصبح تجهز كل شي .........
يعني الشغل اليومي يبدا عندي بهذه الطريقة :
يصحون الصبح الساعة 7 الاندونسية على المطبخ تجهز فطور الاولاد اذا فيه مدرسة والفلبينية على
تنظيف الحمامات والصالة وتشغل الغسالة في نفس الوقت والساعة 7ونصف تصحي الاولاد للمدرسة
وتلبسهم وتوصلهم مع السائق للمدرسة وترجع على غرفة الاولاد تنظفها وتنظف الحمامات الخاصة
فيهم والاندونسية تجهز الغدا من سلطة وتبهر الحم او السمك وتحطه في الثلاجة لين اختكم تصحا من
النوم وبعد ها الفلبينية تنظف غرفتي ادخل المطبخ واطبخ لانه طباخي مسافر اجازة طويلة
وبعدها يخلصن الشغل كله حسب الجدول الموضح سابقا من تنظيف نوافذ والابواب وادراج الاحذية
او ادراج المطبخ ...... هذا المختصر المفيد
وفيه جدول حق عشا الاولاد وفطورهم يعني يوم بيض مسلوق يوم مقلي مع بسكويت ونوع فاكهه
خيار جزر عنب تحطه للمدرسة عصير كل يوم نوع والعشا كذلك كل يوم نوع شوربة وجبة مختلفة
ويوم فاضيه تسوي سبوسك جبن ولحم وخضرة وتحطه في الفريزر او كبة او بطاط محشية حتى
النجتس تسويه وتحطه في الفريزر ما اشتري الجاهز ........ودائما يشتغلن هن الثنتين بالتعاون
ما عندي وحدة تقول انا ما راح اغسل مثلا الحمام لانه مش شغلي او ما بقشر البصل مب شغلي لا
كل وحدة تساعد الثانية .........
ولي معكم عودة واتمنى اني افيدكم وفي انتظار تجاوبكم واقتراحاتكم وشاكرة لكم والله يوفق الجميع
روعة ما شاء الله تبارك الله ..
أنا مرة ما اعرف أتأمر على الخدم بس لما جت شغالتي فهمتها ان غرفتي ممنوع تدخلها ..
وأنا ارتبها بنفسي .. هي كانت مسؤولة عن بنتي والتنظيف ..
وبس لأني كنت مشغولة بالجامعة وقتها ..
وهي كانت نظيفة من نفسها مشالله عليها .. ولا عمري شفتها مو نظيفة ومرتبة ..
لكن للأسف توحمت عليها .. ولما سافرت حملت وماقدرت تجي ..
بس شكلي بكلمها لأني ما اتوقع يجيني مثلها .. وهي فلبينية مسيحية .. الله يهديها يارب
أنا مرة ما اعرف أتأمر على الخدم بس لما جت شغالتي فهمتها ان غرفتي ممنوع تدخلها ..
وأنا ارتبها بنفسي .. هي كانت مسؤولة عن بنتي والتنظيف ..
وبس لأني كنت مشغولة بالجامعة وقتها ..
وهي كانت نظيفة من نفسها مشالله عليها .. ولا عمري شفتها مو نظيفة ومرتبة ..
لكن للأسف توحمت عليها .. ولما سافرت حملت وماقدرت تجي ..
بس شكلي بكلمها لأني ما اتوقع يجيني مثلها .. وهي فلبينية مسيحية .. الله يهديها يارب
الصفحة الأخيرة
الله يطعمك خيرها ويكفيك شرها