مشكورات خواتي على التجاوب وشاكرة لكل من دعا لي بالخير وشاكرة لكل من انتقد معاملتي

مع الخدم ......... وبدون ذكر اسماء اتمنى التوفيق للجميع ..............

عزيزتي سامحوني طولت عليكم بالردود كنت مشغوله وايد وايد تعرفون شهر رمضان وشعبان

والعيد والمدرسة كله في وقت واحد ..........:angry:

المهم اختي اسرار الكون حابه اوضح لك اني كل صبح اقوم مع اولادي وساعات انا اوصلهم خاصة اذا

كان عندهم امتحان عشان اراجع معاهم في الطريق ....... وانا بيتوتيه للغايه يعني نادر ما اطلع من

البيت كله قاعدة معاهم وانا اذاكر لهم دروسهم واعشيهم واحممهم وتساعدني الخدامه يعني اختج

سنعه لا تخافين عليها من هذه الناحيه ........

wreemaعزيزتي القفاز لا زم تعلمينها تلبسه من البدايه مش بعد ما تكمل عندج فترة تقولين لها

تعالي لبسي قفاز واذا كان قولي لها بالطيب القفاز راح يحافظ على ايدك من التشقق والجفاف وبعدين

فهميها انه ريحة البصل ما تروح بسرعة من اليد يعني عشان تكون في الصورة وانتي بعد استخدميه

قدامها عشان تفهم انه لمصلحتها مش عشان شي ثاني ..........

ومن هذه النقطة انا اوضح للخوات انه اختلاط الخدامات ما وراه فايده غير الخراب.......

السحن دح بوه اسمك حلو هههههههههه ضحكني فديتج والله انج فرحتيني والله انا حابه افيد واغرضي

كله المصلحة انا ما ابغي حد يفهم اني اذل الخدامة او استصغرها لا والله هي انسانه مثلي انا بس

احب انها تكون نظيفة ومرتبه مثل ما احب اهتم بنظافة عيالي وبيتي ونفسي وهي محسوبه عليه

يعني والله اشوف خدامات قلبي يعورني من حالتهم ...........

الاخت ما اذكر اسمها قالت حطي نفسج في مكانها والله افرح لو كنت في مكانها ليش احسن نظافة

واحسن ادوات تنظيف شخصيه واحلى ملابس من يحصل وما ينقص من راتبها درهم واحد ......

خواتي الخدامه محسوبه عليج اذا نظيفه ومرتبه يرجع لج انتي راعية البيت ............

والاخت انفاس الايمان هي مش طفله بس مثل ما ذكرت انك لازم توجهينها خاصة انه اغلبهم جاين من

فقر وما عندهم خبره انا افهمها مثل اختي ما اجي اصارخ عليها لا حاشا لله بكل احترام اكلمها واخليها

تختار في الجمعيه شو تحب من ادوات تنظيف على ذوقها واساعدها هي لو متوفر عندها هذا كله

راح تكون شاكرة وفي نفس الوقت راح تكونين مطمنه من نظافتها ...........

وارجع واكرر النظافة من الايمان وهي محسوبه علينا وهي عايشه معنا مش يوم ولاشهر بل سنتين

يعني تحتك في الاولاد والبيت يعني انا انسانه احب النظافة والنظام وحبيت افيد ولي حابه تستفيد حياها

الله ولي مش حابه تستفيد بعد حياها الله والله تعبت احس انه البعض يفتكر اني متسلطه عليهم لا والله

حتى اخت زوجي قالت لخدامتي الاندونسية تشتغل عندها بعد ما تخلص مدتها وبتعطيها راتب زيادة

والله قالت لو مدام تبغين بعد سنتين مستعدة اشتغل عندها وما ابغي ولا درهم زيادة ..........

المهم سامحوني على التـأخير وانا متواصله معاكن......................

انا انصح كل وحدة تراجع كلامي انا ما اظلمهم وهم فرحانين ومرتاحين وانا مرتاحة

استغفر الله .. ربنا يسامحنا على تحكمنا بالبشر .. اعيدي النظر لان مالقيت في كلامك اي نوع من الرحمه حتى وانتي بتقولي راح تودينا للفندق معاك يعني بتقوليها بشكل منة .. من لايرحم لا يرحم

مرحبا حبيبتي ناعمه الخدود

بصراحه عجبتني طريقتك في التعامل
والاحلى هو تقبلك لردود بعض الاخوات بصدر رحب
بصراحه انتي ذوق وتستاهلين كل خير

انا بصراحه انتظر قدوم اول شغاله مع اني كنت من اشد المعارضات لكن الظروف اجبرتني على الاستقدام واستفدت من موضوعك كثير

بس انا مشكلتي مااعرف امر ولا انهي واحس اني بتعب كثير اذا جات الشغاله وماني عارفه كيف بتعامل معها ؟ وربي خايفه حيل

انتي وش رايك ؟ تكفين ساعديني وقولي لي كيف اتصرف بالتفصيل الممل لاهنتي

انا قدمت على فلبينيه مسلمه
من خبرتك بايش تنصحيني بالضبط

ربي يسعد ايامك ويعافيك يالغلا

والله الشغالات حظوووووووووووووووووووووووووووظ

وبصراحتن والصراحه راحتن

مايخربهن الا الجمعات والعزايم

شووفوو العزايم والطلعات والجمعات تأثر فينا حتى ولو بشي بسيط
فمبالك اللي جايين في غربه وش بيكون تفكيرهم ؟؟ وش بيكون اكبر همهم ؟؟

وسلامتكم

والله حلو

نظام اجنبي مو خربطة العرب .. تعالي اشتغلي تحس نفسها ماهي عارفة راسها من رجلينها ..بعدين تحط عينها على الرجال ..!!

من خبرة 40 سنة بالخدم .. الاندونيسيات مرة مرة على الرجال و الفليبينيات بعد بس مو زي الاندونيسيات ..!!

و السحر عاااااااااااااااادي عندهم

و انا صغيرة كنت ادخل عند الخدامه بغرفتها و تضحك علي و تستهزيء بي ليش ما اعرف السحر ولا قراية الكف .!!

الى الآن اعرف قراءة الكف .. منها ..!



ماشاء الله جمعتنا عندهم شغالة 27 سنة عندهم هي وزوجها ..!

زوجها صار مؤذن ..!


تقول اول ماجبناهم تقريبا نفس كلام الخدود الناعمه و تقول بإحترااااااام عاملناهم

كل سنة هم و الخدم يروحون مختبرات يسوون فحص شامل ( ولد بنت عمي جاه فيروس الهيربس من الشغالة الله لا يوفقها )

يعطونهم كتب دينية كثير يحطون مسجل فيه محاضرة من لغة الخدم و شوي شوي تعلموا ماشاء الله و صاروا دعاة للاسلام ببلادهم ..!! و حفظوا القرآن و الشغل عال العال


الشغل عطوهم يوم اجازة

وقت معين للدوام ( كأنهم شركة )

فهموهم وش لهم ووش عليهم


و الحمدلله ..!!

تخيلي نفسك تتوضفين بشركة المديرة تخاف منك ..!!! ماتقولك وش تسوين ووش تلبسين ؟؟؟

بالبداية راسك بيعورك

ثم تقولين بأكبر طقاق و تنطشين ام الشغل .. ولا لا ؟؟؟

الحمدلله انا خدامتي كذا معلمتها و ارتحت عليها بس راحت عشان العيال كبروا