ماشاءالله عليج تبارك الرحمن افكارج كلها من ذهـــــــــــــــب والله اني وايد معجبه فيج وقريت الموضوع تقريبا كامل واستفدت وايد لاني ناويه اييب فلبينيــــــــــــــــــه ونصايحج راح تطبق بحذافيرها اتمنى انج ماتبخلين علي بالمزيد لاني احب الترتيب والنظافه

وماشاءالله عليج فعلا ست بيـــت ممتازه

انا ماني داريه البنات عاجبتهم الطريقه في ايش احسه ظلم
اعلمها تتحمم /اعلمها تحط كريم يدها زي الخشب / اخصم عليها لوتكسر شي
البسها بجامه
ليه هم وسخات والله اغلبهم اذا مو كلهم انظف مننا
ومهتمات ببشرتهم فوق الحدود لدرجة مو باين انهم يفركون كل هذا الفرك
واخصم والله لوخصم رجالك عليك لو ما عندك خدامه لعمل ادخار نص الراتب
لو قلتي ارجعه لها بعد ايش بعد ماكسرتي خاطرها ويمكن دعت عليك
ولبس البجامه يا اختي لا يجوز لبس البناطيل لغير الزوج فالافضل انك تسترينها في هذا البيت الغريب
ومكالمة اهلها ليه من حسابها بفقرك 20 ريال في الشهر واذا مرتين 40
يا ناس اعتبروها صدقه وادخال السرور فيها
صراحه بدون زعل مهي معامله وانتبهي لنفسك يمكن الي جو عندك بنات حلال
لاتجيك وحده تعرف تاخذ حقها لو بالقوه
والله مافي احسن من طيبة النفس معاهم ومو انك تشترين لها ملابس غاليه انك مكرمته
المكرمه في التعامل تذكرك بخير لو تعلمينها شي ينفعها في دينها تسامحينها في زله
توسعين صدرها
ولا البس يبلى وينسى
الله لايحيجنا زي ماحاجهم

machkoura ya okht ahla hams w ana ma awafek ma3a kalamha
lazem nefteker anha adamiya w haram n3amelha hiiiik

اهنيء صاحبة الموضوع على رحابة صدرها

عن خبره في الخدامات اغلبهم ما ينفع معهم غير هاذي الطريقه...اول خدامه جبتها اخترتها كبيره شوي علشان ترحم ولدي الصغير واخترتها اندونيسيه ومتزوجه ومشتغله وعاملتها وايد زين لا تفتيش ولا شروط ولا اعمال زياده بس هذا الولد وقت الدوام وباقي اليوم مرتاحه في غرفتها لانه ما عندي شغل لها وعندنا خدامات غيرها...بس على هذا كانت تعامل الولد اسوأمعامله وكانت طول اليوم نايمه ولا تهتم بالولد تاركته على كيفه ...ما كملت شهر وسفرتها الله لا يردها

من بعدها غيرت اسلوبي واتبعت نفس الاشياء اللي تسوينها وما شاء الله ما احلاهم يكملون سنتين ويسافرون ولا مشاكل ولا شكاوي وعيالي يحبونهم ...لازم شروط في البدايه

بخصوص النظافه فعلا مثل ما تقولين لازم تتعلم النظافه لانها بتشل عيالك وتدخل غرف البيت ويمكن تحتاجين لطبخها ...اعرف وحده ما فتشت الخدامه ولا علمتها النظافه وبعد شهر اكتشفت في عيالها قمل والمسكينه تهتم بعيالها بنفسها ...واكتشفت ان الشغاله كان فيها قمل وانتقل للخدامه الثانيه وللعيال بعد ...يعني لا تعطونهم المنظفات وتقولون لهم تنظفو لازم تخبرينهم انك ما تحبين يدخلون عليك بريحه المطبخ ولازم النظافه بشكل يومي
وبالنسبه للمطبخ لازم اول شي تعلمينها تنظيف المطبخ وبعدين تنظيف ادوات المطبخ وتنظيف اللحم والدجاج والسمك وآخر شي علميها الطبخ
وكل وحده وطريقتها ....وبعد في وحده كتبت ان خدامتها تقفل على نفسها المطبخ او الغرفه ولا تدخل البيت وزوجها موجود واذا بتدخل غرفتها تشوفلها درب خايفه على زوجها احب اوضح ان المسكينه يمكن تيها حاله نفسيه ....وما حد انتقدها على معاملتها المتشدده .... وصاحبة الموضوع كتبت انها تعلمها النظافه والكل هب فيها .....حتى لو اتخذتي جميع الاحتياطات الزوج اللي عينه زايغه ما بيغلبه بيلقى طريقه وبعد الخدامه اللي عينا زايغه على الزوج او العيال ما بتغلب بتلقى ميت الف طريقه وطريقه
اتمنى محد يزعل مني بس والله صاحبة الموضوع حابه تفيدكم بطريقتها لا اكثر ...شكرا حبيبتي مره ثانيه والله يخليلك عيالك وزوجك ويعطيك خير خداماتك ويكفيك شرهم

شاكرة للجميع وانا افتخر باسلوبي مع خداماتي والحمد لله وايد وايد مرتاحة في طريقة معهم ...

شكر خاص لكل الخوات الراقيات في الرد الراقي الي يدل على الرقي في التعامل مع اراء الناس وعدم

تجريحهم شاكرة لكم من كل قلبي .......:26:

وللاخت الي تشوف نفسها انه خدامتها انظف منها ما اقول غير الله يعينج.......:eek:

الحمد لله تعالى اني واثقة من نفسي وبيتي وبشهادة الاهل والاصدقاء من النظافة يلق يبرق يلمع يشع

بكل الهجات كتبتها والسر خدامتي الي انا علمتها النظافة على اصولها والحمد لله .........

كل انسان واولهم انا نحتاج من يعلمنا ويوجهنا ما فيها شي ليش نشارك في المنتديات مش عشان نتعلم

اشياء جديدة مافيها شي الخدامة مثلنا محتاجه حد يوجها ويفهمها ...هذه جايه من بلاد ثانيه عاداتها غير ظروفها غير حياتها غير لازم تفهميها كيف تتاقلم مع بيتج وعيالج ونظامج .........

ولدج اذا غلط بتعاقبينه عشان يتعلم من الغلط والخدامه نفس الشي .......... والله التساهل معاهن بزيادة يرد عليج انتي بتتعبين وهي بتماطل وبتغلط كل يوم وبتصير مهمله ..........

الله يهدي الجميع والله صدق تضايقت من بعض الردود القاسيه ....