السلام عليكم ..
ندخل للموضوع دغري 😇
ابني شوي تاخرت علی تعليمه للحمام
اول ماعلمته كان عمره سنتين وثمان شهور لاكن مااستمريت كانت نفسيتي تعبانه ولاقدرت اكمل وخفت اني اضغط عليه وتجيه رده فعل تخليه يسوي الشي لاأرادي
بعدها جا فصل الشتا واجلته الی الصيف والحمدلله من اول الصيف كان عمره ثلاث سنين وشهرين تقريبا
يعني شوي كبير ويستوعب وهذا اللي ريحني وساعدني كثييير حتی ماحتجت كرسي خاص وهدايا وغيرره كل اللي سويته تشجيع
وصح اني شوي اعصب عليه واتنرفز بس الحمدلله عرفت امسك نفسي عن الضرب
اول شي كنت حاطه في راسي اني اذا شلت منه الحفاض خلاااص باذن الله حتی وقت النوم مراح البسه لاني لو لبسته راح اتثيقل واقول اهم شي مراح يبلل نفسه
اما اذا شلتها منه بكون حريصه اني اقومه
وقبل لاينوم ضرووري ادخله الحمام يسويها
وبعدها بثلاث ساعات اشيله من سريره واجلسه عالفرنجي وهو نصه نايم اقوله يلا سو بوله عشان ترجع تنام يسويها واغسله وارجعه وانا شايلته عشان مايمل ويبهذلني
وصارلي اقومه من نومه يمكن شهرين او اقل شوي
والحمدلله صار يعرف يمسك نفسه ويسويها قبل لاينام واذا قام مره وحده
واهم شي يكون سريره مبطن بالبلاستيك ويكون شي جانبي جاهز لو بلل فراشه لين فيه بديل علی طول
وبعدها باذن الله راح ترتاحين من موضوع الحفاظ تمااما
وتراهي سهله وبتمر هالايام مرور الكرام لاتصعبينها وتقولين مشوار وشلون بقوم من نومي ووو
ترا اغلب اللي اعرفهم يحفضونهم وهم نايمين وتاخرو لاربع سنين علی ماتعودوا
واللي سوو طريقتي علی طول شهرين وتكون المنطقه تعودت عالحبس ..وان شالله تكون فتره بسيطه عليكم ولابنائكم
ودعاوتكم لولدي ان الله يطلق لسانه ويهديه ويجعله من عباده الصالحين الاتقياء الابرياء ...
تحيااتي 😗
