بسم الله والصلاة والسلام على رسول الله...
السلام عليكم ورحمة الله وبركاته
هذي طريقتي في تعليم طفلي التوحدي للحمام الحمد لله الان ولدي يعتمد على نفسه في الحمام ولايحتاجني ابدا ..من المعروف ان طفل التوحد يعاني صعوبة التواصل ..في البدايه تعبت كثييير مثل اي ام عندها طفل توحد قريت كثير في النت وطبقت .. .بعد محاولات كثيره الحمد لله نجحت...اول شي واهم شي الصبر الصبر..اصبروا ياامهات لا تستعجلون النتيجه حتى لو بعد سنه مصيره يتعلم مع التوكل على الله ثم الدعاء بيتعلم
اولا راح تحتاجين لملف اي ملف وطابعه .(الي ماعندها طابعه عادي احفظي الصور بعدين ارسميها او حطي الورقه على الاب توب وشفيهابعدين لونيها ).اطبعي من النت مراحل الحمام وحده وحدهمثلا هذي الصوره
وحاولي تهتمي بالتفاصيل .يعني مثلا اول ورقه صورة حمام واكتبي تحتها حمام ..الورقه الثانيه افسخ سروالي ..الثالثه اجلس على الكرسي ....وكذا الين النهايه بعدين حطيها في الملف وخذي طفلك لوحده لغرفه هاديه وابدي اشرحي له بطريقه سهله مبسطه واسأليه عن اول صوره قولي له ايش هذا وردي علي طول حمام ..المره الثانيه خليه هو يجاوب اذا مارد ارجعي اسألي الين بأذن الله يرد...وكذا اى اخر صفحه...حاولي ماتطفشينه.. سوي له دروس عمليه قدامه يعني روحي للحمام وقولي هذا حمام وكرري بعدين ادخلي واجلسي على الكرسي وانت تشرحين الخطوات .... حبه حبه وراح يتعلم
الطريقه الثانيه برضو حلوه ومفيده اذا عندك طفل اصغر او اكبر ماتفرق المهم صوريه مقطع فديو بالشرح يعني يدخل الحمام ويجلس ويغسلوبعد مايخلص(طبعا تمثيل اعطيه مكافئه وراح يمثل  )واذا خلص وري الطفل الى عنده توحد المقطع ترين من كثر مايشوف المقطع راح يتعلم بمشئة الله.....ولا تنسو الدعاااااء مهم جدا ادعي لطفلك في كل وقت ولاتيأسي
اسأل الله لولدي ولكل مريض الشفاااااء اللهم امين