طريقه الفرمته للجوالات الحديثه مجربه علىn73

طبعا الطريقه اول ما قلي اخويه عنها
فورا طبقتها على جوالي ان 73 لانه كان فيه مشكلة التعليق وكل ما اقول لزوجي
يوديه الصيانه يقلي ان شاء الله لما افضي اوديه المهم راح يوم وجاء عشره ولسه ما وداه وجربت عليه هذي الطريقه وما شاء الله نفعت وكان الجوال ما يتثبت فيه بر امج
وصارت تتثبت عادي وخف التعليق فقلت لازم اكتبلكم هذي الطريقه عشان اللي عندها نفس المشكله تستفيد وتدعيلي وهي كمان لكل الجوالات الجديده وراح اكتبلكم طريقه اخرى لجوالات الجيل الثاني وكمان تصيرعلى بعض الجوالات الحديثه

الطريقه الاولى لجوالات الجيل الثالث
نجمه _مربع _سبعه _ثلاثه _سبعه _صفر مربع
وراح تجي رساله مكتوب فيها ( سيعاد استرجاع الضبط الاصلي للهاتف )


نضغط نعم وحينطفي الجوال ويعمل اعادة تشغيل وحيرجع الجوال زي اول ما اشتريناه


بس لا تسوو الطريقه الا لما تعملو نقل الملفات كلها الى كرت الذاكره ونسخ الاسماء الى كرت الذاكره لانه راح يتمسح كل شي في ذاكرة الهاتف ( لا تقولو ما قلت اللهم فاشهد)
والله الطريقه مرره سهله وهي الطريقه المعتمده في محلات الجوالات لانه اخويه عنده صاحبه فاتح محل جوالات ودله على هذي الطريقه
الطريقه الثانيه
نقفل الجوال _ نشيل كرت الذاكره _ نضغط في نفس الوقت على
زر االرد على المكالمات لونه اخضر _ النجمه _ رقم ثلاثه _ زر التشغيل
الموجود غالبا في اعلى الجوال يعني اللي نقفل منه الجوال نهائي
اتمنى تكونو فهمتوني ونفضل ضاغطين على الاربعه هذي الى ان يكتب الجوال ( فورماتينق ) طبعا بالعنجليزي وفي بعض الجوالات ما يكتب بس يسوي اعادة تشغيل ويرجع الضبط اول ما اشتريناه طبعا نعمل ضبط اللغه الخخخخخخخخخ
وترى اخويه جواله زي ان 73 ونفعت معاه واتفرمت جواله بس جوالي مانفعت معاه عشان جوالي (خبل) اللي في راسه يسويه عجبته الطريقه الاولى هههههههههههههههههههههههههه امزح معاكم
وانا جربت الطريقه الاولى ونفعت
وكمان سويت اعادة تهيئه لكرت الذاكره لانه عندي بلوتوث في الاب توب
وارسلت كل ملفاتي للاب توب وبعد اللفرمته رجعتها
واتمنى تكونو فهمتو علي واي سؤال انا حاضره لاي سؤال عن الجوال
وان شاء الله اساعدكم بلي اقدر عليه بس ابغى طلب بسيط منكم يا امورات



تدعولي ان الله يحققلي كل اللي اتمناه
عاجلا غير اجل ويرتاح بالي








وتقبل الله صيام كل من صام عاشوراء