طريقه جديده للبروستد والنكهه تجنن

مراحب يا احلا صبايا
جايبه لكم اليوم طريقه للبروستد خياليه وربي الطعم جنان
واتمنى تجربونه
جبت دجاج مسحب ودجاج عادي بالعضم
انتي حطي اللي تبينه
ونصيحه يابنات جربو هالتتبيله
اللي استخدمتها له وعملت نكهه متغلغله في عمق الدجاجه
ملعقه ملح
نص ملعقه كمون
رشة فلفل اسود
نص ملعقه بهارات
ملعقه كبير فلفل احمر إذا تبين حراق
نصف ليمونه
ملعقه ونصف مايونيز
ممكن رشه بسيطه زنجبيل مطحون لو حبيتي
ملعقه ونصف صلصه
ملعقه ونصف زبادي
فصين ثوم مبشوره
وهذي تتبيلة دجاجه وحده بس
وخليها في التتبيله ربع ساعه وبعد الربع ساعه جيبي قدر ضغط وافرشيه بشرايح بصل .........؟لا تستغربون ماقلت لكم مميز
وحطي فوقه الدجاج بالتتبيله وفنجان مويه بس حتى تستوي بالتتبيله
وخليه عشر دقايق
وبعدين طلعيه
وحطيه ببيض وبعدين دقيق مخلوط معاه ملح وبهارات وفلفل حراق
وبعدين اقليها راح تاخذ تحمير خارجي ومن داخل مستويه
وفايدة الحركه اللي سويناها بالضغط تعزز نكهة التتبيله بالدجاج
وراح تذوقي احلا بروستد