اختاري يوم تكوني فاضية وما وراكي شي
وصحيهم بكير .. فطريهم وحاولي يضلو كل اليوم لعب وحركة لحتى يتعبوا
والصغار يلي بعمر السنة اذا نعسو خلي نومة النهار تكون بين الظهر والعصر ..
بقية الوقت كله لعب وحركة واذا قدرتي تطلعي معهم لحديقة متلا بيكون احسن ( بس اكيد صعب برمضان )
وبس تصير الساعة تسعة ويكونو متعشيين وشبعانين .. حمميهم ويفضل بسائل جونسون ما قبل النوم .. وكل واحد على سريره .. نوم العوافي :)

الحمد لله مو انا لحالي اللي يعاني


حلول يا بنات الحقوا علينا؟؟؟

قوميهم الساعه 10 ’’’

ولا تخلينهم ينومون بالنهار ابد وتشوفين ماتجي 12 الاهم نايمين ’’’

بسم الله
(ماشاء الله)
اناعندي ابو سنة انومة الساعة12واعطية رضعة وغيرله الفجر عشان مايصح الا9 ثم الساعة2قبل الغداء انومة(((وحاولى ماتعطينة رضعة الااذا بغيتى تنومينة وحطية بالسرير وصكرى النور))))))))))
بنتى ام 3سنوات تنام متى مادخلت انام تحوقن من 10 تبي حليب ووعدها اذادخلت تنام اعطيها
ودخلها تنامواشغل شريط قران تقوم الساعة11ولاتنام كل النهار
اما 13و14 ايام الدراسة9ادخلهم وياويل الي يطلع
وممنوع النوم بعد المدرسة
والحمدللة اذارجع ابو الشباب ولى مريحة
والمسوولية على الام تقدر تضبط عيالها

عـزيزتي هاي معاناه معظم الامهات .. وأنا من ضمنكم للأسف ..
المشكله ترى فينا نحن ..

اليكم الحل الفــــــــــعال ...

أولا الاستيقاظ مبكرا ..

حاولي تصحينهم بوقت .. حتى لو كان يوم اجازه .. والي وراه مدرسه طبعا بيقوم لا محاله ..
والظهر أكيد بيحسون بتعب ولازم يرقدون .. خليهم يرقدون ويحطون راسهم وطفي الاضاءه وخلي الجو هادي وبيرقدون .. ولا تخلينهم يطولون برقادهم .. يعني حدهم ساعه أو ساعه ونص .. وما في نوم بعد الساعه أربع أبداااااااااااا .. حتى لو ما رقدوا الظهر خلاااااص قوليلهم ممنوع الرقاد احين .. لعبيهم وخليهم يراكضون .. وعلى المغرب اترسيلهم الحوض ماي وحطيلهم ألعاب فيه ودخليهم وخليهم يلعبون وعقب ما يشبعون من اللعب سبحيهم ..
وعشيهم وكلها ساعات وتشوفين كل واحد يفرك عيـونه ومسطل .. يعني على أقصى حد 10 يكونوا خلاااااااااص رقدوا ... ان شاءالله طبعا ..
واللي ما يرقد عاقبيه اليوم اللي عقبه قوميه بوقت ولا تخلينه يرقد أبدااا لوقت النوم المحدد ..
ويوم بعد يوم خلاص بينتظم رقادهم ومن تيي 10 الا خمس دقايق بتشوفينهم طاحوا على بعض ...

أنا طبقت هالنظام مع ولدي وكنت أطلعه العصر يلعب في الحوش ويراكض أو أوديه الالعاب أو الحديقه أو نطلع بر أو بحر .. المهم يبذل مجهود .. ومن نرجع أشوفه خلاص تعبااان ويبا يرقد طبعا ما اخليه يرقد وأيلس ألعب وياه لين يتنشط مره ثانيه وعلى هالموال حتى يحين موعد النوم وأعطيه حليب وأبند الليت وكلها ثواني وأشوفه خلاااااااااص في سابع نومه ...
لكن الله يسامح أبوه دوامه متقلب .. وهذا هو الشي اللي خرب رقاد ولدي ..
في الفتره اللي كان أبوه دوامه منتظم كنت أعرف متى لازم يرقد ولدي .. يعني قبل رجعة أبوه .. لكن بعد ما تلخبط دوام ريلي صرت أعتفس .. مرات أقول مستحيل أرقده بوقت وأبوه دوامه اليوم اللي عقبه متأخر واكيد بيطول في السهر وأنا بكون وياه وبنرقد على الفجر و ولدي يقوم بوقت الصبح وأنا ما بكون شبعانه رقاد وبتعب ,,, فصرت أخليه يسهر ويانا علشان يرقد ويانا وأرتاح ويقوم ويانا أو عقبي مرات ... ومرات نطلع ونتأخر في الطلعه برع ويخترب جدول رقاد ولدي .. وأنا ما عندي حد أخليه وياه فأضطر أشله وياي وين ما أروح ..

عسى الله يحفظ عيالنا من كل شر .. ويبارك فيهم ويخليهم ذخر حقنا ..