الله يوفقكم يابنات حواء

رفع

البنات ماقصروا ماشاءالله بس حابه افيدك بطريقتي وانتي لك الاختيار بين الطرق
3كاسات طحين شوي ملح بيالة زيت تفركينهم مع بعض لحد مايختفي الزيت وبعدين ضيفي عليهم بيضه واعجني وضيفي كاس مويه واعجني لحد ماتتماسك واذا ناشفه زيدي شوية مويه واتركيها ترتاح قد ماتقدرين انا اعجنها الصباح تقريبا الساعة 9 وافردها عالعصر
والحشوة لحمه مفرومه اخليها لحد ماتنشف عالنار بعدين اضيفلها بصله مقطعه ناعمه وبهارات واذا استوت حطيت عليها بقدونس وكزبرة انا ماحب الشبت احس انه يغير طعم السمبوسة والجبن استخدم جبت تشيدر ابشره واحشي به السمبوسة
وفي طريقه جديدة بالنسبه لي مادري اذا تعرفينها الصراحه رهيييييبه وروووعه طعمها
تاخذين شريحتين من عجينة البف باستري وتحطين معها ربع كاس مويه وتخلينها ربع ساعه بدون تحريك وبعدين تضيفين عليها كاس طحين واعجنيها وبعدين افرديها واحشيها
على فكرة انا نزلتها من كم يوم هنا بقسم المعجنات وصورتها اتمنى تعجبك واسفه عالاطالة