السلام عليكم ورحمة الله وبركاته
تصدقون كتبت الموضوع وصارلي ساعه وانا اكتب وبالاخير مدري وش ضغطتت وطار الموضوع كله متت من القهر---- المهم انا اليوم ابي اكتب طريقة عمل ادوية النفاس والدورة بس طريقة الادويه ماراح اشرح وشي المحضورات والممنوعات وش الاشياء اللي يجب عليك تسوينها لان الكثير يعرفها واللي ما تعرف انا حاضره اسالو ومن عيوني راح اجاوب على كل اسالتكم
اهم شي انك اذا شريتي ادويه من العطار مثل الرشاد والحبه السوداء واليانسون -------لخ
انك تنسفينها شوي شوي برى يعني بالحوش علشان يطلع الغبار اللي فيها ثمن تنقينها من الشوائب والاعواد الصغيره او أي شي عالق فيها وبعدين ابدي اخلطي بهالادويه ادري اني طولت عليكم بس احاول اوصل الفكره
1-المردود (اللهوم)
انا مردودي يابنات بسيط ولا احب اكثر في الخلط ومستحيل اكل شي ما جربته ومردوي وحتى لو اكلتيه فتره وبعدين تركتيه عاااااااادي لان بعض الادويه تتعودين عليها اما هي او ما يصلح نجي على المقادير والطريق
خلي مقاسك مثلا كاس الجبن
كاس حبه سوداء – وكاس حبة حلوه – كاس يانسون – ثلاث او اربع اعواد الليه مدقوقه بالنجر واذا دقيتيها فتفتيها بيدك وحطيها مع الخليط نصف كاسة شاي فلفل اسود او اقل للي معهم قالون - ثلاث ارباع كاسة الشاي قرنفل –ملعقتين خوا جوا – كاس ونصف دارسين مدقوق ومهشر اخلطي هذه المقادير مع بعض ثمن اطحني وانخلي بالمنخل واللي يبقى بعد النخل لما تخلصي كل الكميه ارجعي واخلطي وانخلي مره ثانيه واخلطيه ثمن اضيفي عليه
كاس رشاد وملعقة وسط رزنه واخلطيه مضبوط اهم شي الرشاد ما ينطحن مع الخليط
2-الطبيخه
والله يابنات وش ما اقول عن هالطيبخه من مدح اعتبره قليل رووووعه وهذي مقاديرها وخلي مقاسك كوب الحليب
كوب دارسين مدقوق ومهشر- كوب حبه حلوه – كوب يانسون – كوب قشر قهوه مدقوق – ملعقه صغيرة زنجبيل مطحون - كسرة جاثه مدقوقه- ثلاث اعواد الليه مدقوقين بالنجر كوب رشاد – كوب حبه سوداء – ملعقه كبيره فلفل اسود مجروش – اخلطيهم مع بعض وحطي عليهم رشي بيدك نعناع مجفف انا احط نعناع حايل واذا مو عندك نعناع حايل حطي مغربي بس مجفف – ورشة زعفران – وميرميه وزعًتر واذا عندك بابونج حطي رشه واخلطيه مع بعض وشوفي
هذي روعه في النفاس اشربيها من ثالث يوم لين تكملي شهر او 25يوم وفي الدوره الثلاث ايام الاولى
3-الكبو
المقاس فنجال القهوه ويكون كبير مو من الصغار لين تتعلمين وبعدين براحتك اذا تبين تكبرين الكميه المقادير والطريقه
عود الهواء –هو يجي طويل انتي كسريه ودقيه بالنجرلين يتهشر وراح يطلع من داخله حبوب عاااادي خليها انتي دقي لين يتهشر مضبوط وحطي منه فنجاال
وفنجال فلفل هواء هو راح يكون زي الصمغ ولما تدقينه يتملصق بس ما عليه تحملي
وفنجاال قشر قهوه مهشر
وفنجااال مقل مدقوق
اخلطيهم مع بعض ودقي مره ثانيه وبعدين فتفتيه بيدك لان في البدايه راح يكون زي الصمغ وبعدين يكون عادي
واذا استعملتيه حطي منه شوي فوق الجمر وتكبيه فضييع جربو ه وراح تدعون لي
4-دواء المرقوق
اخلطي ماش مع لوبيا مع عوين اللي هو زي اللوبيا بس احمر واذا عندك فقع مجفف اخلطيه معه وحبه سوداء وقرنفل وفلفل اسود وشوي رشاد هذا حطي منه كل ما طبختي مرقوق او مطازيز او شوربه او تشريب
معليش يابنات تعبت من الكتابه راح اكمل بعدين واي استفسار انا حاضره
واعذروني من أي خطاء لاني اكتب وانا مستعجله
ودعوتكم لبوي واخوي ان الله يجعل قبورهم رياض من رياض الجنه وانه يجمعني معهم في الفردوس الاعلى من الجنه
يلزم عليك تسجيل الدخول أولًا لكتابة تعليق.
~البريئه~
•
جزاك الله خير ماقصرتي وجعل ابوك واخوك في جنات الخلد يآرب <امين
هايدي82
•
طيب انا عمتي معالجة وتقول انها تتعب على العلاج تنقيه وتغسله وتنظفه ووووالخ
بسالك كيف انقيه واغسله و و و الخ
اخاف اسال عمتي واحرجها -يمكن يكون سر المهنه ههههه
بسالك كيف انقيه واغسله و و و الخ
اخاف اسال عمتي واحرجها -يمكن يكون سر المهنه ههههه
جزاك الله الجنه ماقصرتي
بس ابغى اسالك وش اعواد الليه هل له اسم ثاني ؟؟
وبالنسبه لدواء الطبخ انا سويت ماش وحلبه وحبه سوداء وطحنتها نص طحنه يعني يكون مجروش تصلح لحالها
بس ابغى اسالك وش اعواد الليه هل له اسم ثاني ؟؟
وبالنسبه لدواء الطبخ انا سويت ماش وحلبه وحبه سوداء وطحنتها نص طحنه يعني يكون مجروش تصلح لحالها
شكرا لمروركم العطر حبيباتي
وفديت الغالي طريقتك حلوهبس زيدي شوي فلفل وشوي قرنفل ولوبيا واذا عندك عوين اللي هو لوبيا حمرا حطي بعدوذكرتيني بالحلب
نسيت لا اكتبه لان عندي عيالي ومن الازعاج مدري وش نسيت انا احطه مع دواء المرقوق لمدة 20 يوم وبعدين يصير الدواء نفس الخلطه بس بدون حلب
عساني افدتك
وفديت الغالي طريقتك حلوهبس زيدي شوي فلفل وشوي قرنفل ولوبيا واذا عندك عوين اللي هو لوبيا حمرا حطي بعدوذكرتيني بالحلب
نسيت لا اكتبه لان عندي عيالي ومن الازعاج مدري وش نسيت انا احطه مع دواء المرقوق لمدة 20 يوم وبعدين يصير الدواء نفس الخلطه بس بدون حلب
عساني افدتك
الصفحة الأخيرة