بالنسبة لانخفاض نسبة البرولاكتين قاللي ان الهرمون لما يقل مفيهاش اي مشكلة
ولو وصل لصفر حتى

وبناء عليه تقرر الآتي:
اعيد كل دوا المرة اللي فاتت
تكيس وبرولاكتين
واخد كوريمون وحددلي مواعيد الجماع
واعمل بروجستيرون اليوم 21
-------------
الشهر اللي بعده
الدوا لسة بيتاخد
وهزود عليه التنشيط
واعمل برضو بروجستيرون اليوم 21
------------------
وكمان تحليل الزوج عشان كان عندو مشاكل
--------------------
واول ما الكلام ده يخلص اروحله
-------------
لو البروجستيرون كان من 20 لحد 25 وتحليل الزوج سليم
اذن عقم غير مسبب
اذن منظار زي ام اياد كدة


لو بقى البروجستيرون اقل من 20 يبقى لازم نظبط التبويض لان ده مؤشر لعدم جودة التبويض
وده معناه اني استمر على الادوية لكذا شهر كمان



اما لو كان البروجستيرون اعلى من 25
يبقى هنشك في الاندو ويبقى الحل منظار

بس
انا بقى بحسبها كالاتي
نسبة عمل المنظار تساوي 66.7 %(غير مسبب او اندو)
النسبة الباقية هي اوحش من المنظار لان معناها اننا لسة بنظبط التبويض ولو اتظبط يبقى هارجع للمنظار برضو
وبالتالي
يبقى احتمال بنسبة كبيرة جدا اعمل المنظار
بس انا مش هاسبق الاحداث
ومين عالم
يمكن كل النسب تتخبط في بعض
واطلع الشهر الجاي حامل
قولو يا رب
انا والله يا جماعة دخت من كتر اللف والتفكير والبحث
وكون الانسان مش عارف ايه مشكلته دي بتبقى سيئة للغاية
ربنا يا رب يهدينا وينور بصائرنا
والحمد لله رب العالمين

انا ماشية بقى
هروح الشغل
كل واحدة تاخد بوسة مني
وانا عارفة اني استاذة في المواعيد الغريبة
وكل شوية ادخل اكلمكو في اوقات محدش قاعد فيها
بس والله غصب عني
ادعولي ربنا يرضى عني
انا نفسي قوي احس ان ربنا راضي
صحيح الواحد بيعك كتير بس والله هي دي امنية حياتي
ادعولي بظهر الغيب
السلام عليكم ورحمة الله

:)