ام انس 2006 :

يا ام اياد مفيش سر في غيابي ولا حاجة انا بس عندي شغل كتير عالكمبيوتر اليومين دول ولو عطل مش هعرف اعمل حاجة وجوزي طول الشهر الي فات كان عنده جرد سنوي في الشغل كان بييجي كل يوم 11 بالليل مكنش فاضي طبعا يصلحه وبعد الجرد ما خلص بدأ بقى في شغل جديد ويادوب خد امبارح ساعتين عشان يخرجني بمناسبة عيد ميلادي والحمد لله روحنا السوبر ماركت هههههههههههههههه مش عايزة اقول لكم من اد ايه مخرجتش وطبعا مالقيناش وقت نصلح الكمبيوتر ربنا يستر والله العظيم انا امبارح دخلت الموقع هنا شوية وعملت كم رسالة خاصة كده قسما بالله الكمبيوتر قفل مني مش عارفة ايه السر في الموقع هنا مع اني لما بقعد فترة ما افتحوش الكمبيوتر بيبقى كويس وده الي مخليني مش بدخله حفاظا على الجهاز عشان اعرف اعمل شغلي وطبعا مش عارفة اشتري لاب توب جديد كل ما اكلم جوزي ببقى مكسوفة الصراحة لأننا مش عارفين هنعمل ايه بعد الحقنة انابيب ولا تلقيح ومش عارفين ايه المصاريف الي مستنيانا ربنا يكرم يارب

يا ام اياد مفيش سر في غيابي ولا حاجة انا بس عندي شغل كتير عالكمبيوتر اليومين دول ولو عطل مش...

kokar_2001 :

مساء الخير يا بنات يا رب تكونو كلكم بخير معلش انا كنت متظبطة مع كريم فى موضوع البرد دا و بعدين دخلت فى موال تسلخات من المضاد الحيوى و الحمد لله الموضوع بيتحسن شوية بشوية المهم ام مريم انا عارفة الفترة اللى انتى فيها دى فترة نفسية وحشة جدا جدا ربنا يعديها على خير يا رب اولا التحليل اللى عملتيه دا بايظ لانه المفروض يطلع خطين مش خط واحد عشان انتى فى جسمك دلوقتى نسبة من هرمون الحمل نتيجة للابرة التفجيرية و دى بيروح اثرها من 10 الى 12 يوم من تاريخ اخدك ليها يعنى لسة شوية يا حبيبتى بصى انا عملت تحليل الحمل اللى فى البيت اليوم الـ 12 من الترجيع و بان خط خفيييييييييييف قوى و بعدين عملت تحليل دم كان نسبة الهرمون فيه خفيفه و عدتها تانىفى اليوم الـ 14 فانتى حاولى تشغلى نفسك بأى حاجة انا عارفة ان الكلام اللى بقولهولك دا هجص بس لازم اقوله يمكن ربنا يكرمك و تقدرى تعمليه انتى عليكى و على الصلاة جميلة و بتريح و ان شاء الله ربنا يكرمك يا رب مشمشة يا حياة قلبى ربنا يردك على خير و انتى فرحانة بالحمل السبيم المعافى انتى على طول فى بالى و ربنا يتملك على خير يا رب اوشى الف سلامة عليكى يا حبيبتى خلى بالك من نفسك عشان الحامل بتكون مناعتها ضعيفة جدا عن العادى بتاعها ربنا يسترها عليكى يا رب باقى البنات بحبكم فى الله و ليا رجعة تانى ان شاء الله

مساء الخير يا بنات يا رب تكونو كلكم بخير معلش انا كنت متظبطة مع كريم فى موضوع البرد دا و بعدين...

زينب ابراهيم :

احلى اصحاب فى الدنيا وحشتونى جدا جدا معلش انا فعلا اسفه جدا على الغياب ده كله بس مش عارفه اقولكو ايه برجع من الشغل الساعه 6 وبكون ميته تعب وكمان جوزى بقى حساس اوى من ساعة ما اشتغلت وبيتخانق على اتفه سبب فمعلش مش عارفه ادخل زى الاول سامحونى واعزرونى انا على فكرة عملت البروجسترون الشهر ده والحمد لله طلع 2 يعنى نوووووو تبويض يالا كله جميل وخير ان شاء الله انا بصراحة محتاره مش عارفه ابتدى تنشيط ولا استنى شويه عامة لسه ناقص حوالى اسبوع على ميعاد الدوره ساعتها يحلها ربنا بجد وحشونى كلكو

احلى اصحاب فى الدنيا وحشتونى جدا جدا معلش انا فعلا اسفه جدا على الغياب ده كله بس مش عارفه اقولكو...

اشتقت اليك :

بصى يا بوبتى... اولا باشكرك على كلامك الجميل...و ربنا يخليكى يا حبيبتى و ميحرمنيش من ذوقك.... نيجى للمفيد....فيه حاجة مش واضحة يا قمر...و هى إن نسبة ال FSH بتتناسب عكسيا مع المخزون....يعنى كل ما المخزون يقل الهرمون يعلى....و طبعا المخزون بيقل مع الزمن...و ديه حاجة طبيعية...لان فى كل شهر بيخرج عدد من البويضات...و بالتالى مع الوقت المخزون بيقل....و بالتالى مع مرور الوقت الهرمون بيرتفع شوية.....و أي نتيجة تطلعلك ان الهرمون قل تبقى نتيجة غلط...فاهمانى يا قمر....و بالنسبة لتحاليلك...ممكن تكونى عملتيها فى أماكن مختلفة و يكون حد فيهم كويس و التانى أجهزته مش تمام...و الفيصل فى ده إنك لما تعيدي تحاليلك ..تعيديها فى نفس المكان علشان المقارنة تبقى صح.... ثانيا...بالنسبة لتأثير المنشطات على النتيجة....فهأقولك حاجة قالهالى دكتوري الشهر اللى فات ده على طول....لانى كنت عملت البروجسترون و طلع كويس و خفت ليكون متأثر بالمنشطات اللى أخدتها الشهر اللى قبله..وقالى "التنشيط تأثيره بيبقى فى شهره بس و بينتهى التأثير بنزول الدورة"....يعنى تحاليلك ديه مش متأثرة بحاجة.....لأنها فى دورة جديدة.... أما ان الكلوميد بيعلى ال LH فديه معلومة مش صحيحة....و الصح ان الكلوميد فى أوقات بيبقى هو علاج التكيس لسبب مهم....و هو ان التنشيط الصحيح بيتسبب فى حدوث تبويض و ده معناه خروج البروجسترون بشكل سليم و كمية كافية....و اللى قريته فى أكتر من موقع إن البروجسترون بيتناسب عكسيا مع ال LH....يعنى البروجسترون لما يعلى ال LH بينزل......و ده مش معناه ان ال Lh بينزل و يرجع طبيعى و إنما معناه ان لو فيه تكيس فاحنا بناخد الأدوية علشان نحجم آثاره السلبية و بناخد تنشيط علشان نحسن التبويض اللى التكيس بيضعفه.... ملحوظة: زيادة مستوى هرمون البروجيستيرون في الدم يؤدي إلى نقص مستوى هرمون ( LH). " ده مش كلامى ...ده من أحد المواقع الطبية الموثوق فيها"

بصى يا بوبتى... اولا باشكرك على كلامك الجميل...و ربنا يخليكى يا حبيبتى و ميحرمنيش من ذوقك.... ...